Ramma prat hpe galoi mung lu na re, asak kaba wa ai shaloi hkrum na yak hkak jamjau lam ni hpe Satan a mungkan hta hkrum na n re, ngu nna aloi sha sawn la chye ai. (Hp.N 12:⁠1) Nang gaw ramma langai rai yang, aten tup magam zawn wenyi ban­dung ni jahkrat nna hkan sa na matu aten law law nga ai n rai ni?

Anhte yawng gaw “aten ladaw hte, ang wa ai hte maren” hkrum chye ai zawn, ramma ni mung hkrum chye ai. (Hp.N 9:11) “Hpawt ni e pyi hpa byin na ra ai gaw, nanhte n chye nga myit dai” nga nna Chyum Laika hta tsun da ai. (Yak. 4:14) Dai majaw, Karai a magam gun na matu hkum htingnut u. Na a matu ‘kaba la ai chyinghka’ naw hpaw nga ai majaw dai lam hku hkawm nga u. (1 Kor. 16:⁠9) Dai hku galaw ai majaw nang myit malai lu na n re.

• Kaga amyu ga hte hkaw tsun ai

• Lam woi ningshawng magam

• Theocratic jawng ni lung ai

• Gawgap ai magam

• Behtela magam

• Hpung kawan ai magam