HKRISTAN PRAT HKRUN LAM
Hkaw Tsun Bungli Hta Grau Kaja Hkra Galaw Ai Lam—Phone Hte Sakse Hkam Ai Lam
HPA MAJAW AHKYAK: Phone hte sakse hkam ai gaw, “kabu gara shi ga lam sakse hkam na matu” ahkyak ai ladat langai re. (Kas 20:24) * Masa lam amyu myu a majaw n hkrum lu ai ni hpe, ndai ladat hte hkaw tsun lu ai.
GALAW MAI AI LAM:
-
Hkyen lajang u. Htap htuk na ga baw langai hpe lata u. Nang tsun na ga si ni hpe ka da u. Phone hta shi hkrai bai htai ai ladat lawm yang, kadun ai hku tsun na matu lajang da u. Tinang hkyen lajang da ai laika pa, JW Library® hte jw.org® hpe hpaw mai na matu electronic jak ni hpe la da u. Saboi hta dung nna shaga lu yang kaja ai.
-
Myit atsang hte sha tsun u. Shinggan kaw shaga ai zawn shaga u. Shada hkrum na shaga hkat ai zawn, mani dan u. N ra ai sha hkum hkring. Kaga ni hte arau galaw ai gaw, karum shingtau lu ai. Nta madu gaw ga san san yang, nsen shapraw nna bai tsun u. Rai yang, na a manang wa gaw mahtai tam karum ya lu na re.
-
Bai kawan lamang galaw na matu lam hpaw da u. Myit lawm ai ni hte hkrum yang, hpang kalang bai shaga lu na matu, ga san langai san da u. Laika buk langai hpe message hku nna (sh) tinang sa jaw na ngu tsun mai ai. Sumhpa langai, video langai hpe link hte sa ya mai ai. Anhte a website kaw lawm ai lam langai hpe tsun dan mai ai.
^ စာပိုဒ်၊ 3 Na a buga hta phone hte sakse hkam ai lam gaw htap htuk yang, tara upadi hpyi shawn da ai lam ni hpe hkan sa ra ai.
