Nawku zuphpawng ni yawng zawn sha, hkrumzup hpawng mung, mai kaja ai bungli galaw na matu hte shada da tsawra myit hte n-gun jaw hkat lu na matu, Yehowa lajang ya ai lam re. (Heb 10:24, 25) Hkrumzup hpawng hpe, group garan ai, hkaw tsun lawk tsun dan ai, akyu hpyi ai hte hpawn, yawng gaw minit 5 kaw nna minit 7 sha rai ging ai. (Nawku zuphpawng ngut ai shaloi galaw ai nga jang, dai hta grau kadun ging ai.) Woi awn ai wa gaw, dai shani hta hkaw tsun bungli shang lawm na ni a matu, tatut byin na zawn re ai lam ni hpe lajang ya wa ra ai. Ga shadawn, lai wa sai Kru Ya hte Laban kaw na hpang nna, hkaw tsun bungli kaw n lawm shi ai ni law ai nga yang, Kru Ya Shani hkrumzup hpawng hta, nta madu hpe gara hku tsun ra na hte seng nna bawngban mai ai. Gara lam ni gaw, akyu nga ai bawngban lam ni rai kun?

• Anhte A Hkristan Prat Hte Magam​—Zuphpawng Shaman Laika Buk kaw na tsun shaga ladat langai

• Ndai laman byin nga ai mabyin (sh) shiga ni hte tsun shaga hpang

• Hkrum chye ai ninghkap lam langai hparan ai lam galaw

• Karai nga ai hpe n kam ai wa, sinda masa kam ai wa, kaga amyu ga shaga ai wa (sh) na a buga hta nau n na yu ai hpung langai na hpung masha hte hkrum yang gara hku bai htang na

• jw.org website, JW Library^® app hta lawm ai lam langai (sh) chyum daw hpe gara hku lang na

• Sharin Achyin Hkingrai Ni hta na gara hkingrai langai hpe lang na

• Phone, laika ka nna sakse hkam ai, shawa hpawng man sakse hkam ai, bai kawan ai lam (sh) chyum ga sharin ai lam ni hta gara hku shang lawm mai ai hpe laksan tsun

• Shimlum lam, masa hta hkan nna galai shai ai lam, kaja ai arawn alai ni, kaja ai ningmu ni a ahkyak ai lam ni hpe shadum

• Laika Hti Ai Hte Sharin Achyin Ai Lam Hta Shakut Nga U brochure kaw na daw langai (sh) video langai

• Tinang a hkaw tsun manang hpe gara hku karum nna, n-gun jaw na

• Hkaw tsun bungli hte seng ai n-gun lu hpa mahkrum madup langai (sh) chyum daw langai