Anhte a tsun ai lam hte sha n-ga, myit ai lam hte mung Yehowa a ntsa sadi dung ai lam madun mayu ai. (Shk 19:14) Dai majaw, teng man ai lam, htuk htap re ai lam, ding hpring ai lam, san seng ai lam, sharawng awng ai lam, shaa ram ai lam, arawng re ai lam, shakawn kungdawn re ai lam ni hpe myit na matu, Chyum Laika hta anhte hpe n-gun jaw da ai. (Hpl 4:8) Anhte a myit de shang wa ai, shut shai ai myit mang lam ni hpe ayan na ninghkap lu na gaw n re. Raitim, tinang hkum tinang hkang lu ai atsam gaw, n kaja ai myit mang lam hpe n myit na matu, kaja ai lam ni hpe myit na matu karum ya lu ai. Myit mang lam hta sadi dung ai gaw, galaw ai lam hta sadi dung na matu karum ya ai.—Mrk 7:21-23.

Lawu na chyum daw langai hpra a npu hta, koi ging ai myit mang lam hpe ka u:

Rom 12:3

Luk 12:15

Mat 5:28

Hpl 3:13, 14