Hkristan Prat Hkrun Lam
Hkaw Tsun Bungli Hta Grau Kaja Hkra Galaw Ai Lam—Myit Lawm Ai Wa Hpe Zuphpawng Lung Na Matu N-Gun Jaw U
Hpa Majaw Ahkyak: Zuphpawng ni gaw ‘Yehowa hpe mahkawn’ hte ‘shakawn kungdawn ai’ aten ladaw ni re ai. (Shk. 149:1) Karai Kasang ra sharawng ai ni hpe galaw na matu, zuphpawng ni hta anhte hpe sharin ya ai. (Shk. 143:10) Myit lawm ai ni hte Chyum ga sharin ni gaw, zuphpawng ni lung ai hte kalang ta rawt jat wa ma ai.
Galaw Mai Ai Lam:
-
Byin mai yang alawan saw shaga u. Chyum Laika sharin hpang ai aten du hkra n la ra ai.—Shing. 22:17
-
Myit lawm ai wa hpe zuphpawng hta hpa ni galaw ai lam, hpang na bat bawngban na lam ni hpe tsun dan u. Zuphpawng saw shaga laika, Nawku Htingnu Hta Hpa Ni Galaw A Ta? video hte Yehowa Myit Ra Ai brochure a daw 5, 7 ni gaw myit lawm ai ni hpe saw shaga ai shaloi, jailang yang akyu rawng na re.
-
Karum ya u. Myit lawm ai wa zuphpawng lu lung hkra tau ya na matu, htap htuk ai bu hpun palawng lata ya na matu ra na kun? Zuphpawng hta shi hte rau dung nna, laika ni hpe rau jawm yu u. Kaga masha ni hte mung shachyen ya u.