Hkristan Prat Hkrun Lam
Ma Langai Chyinghka Kaw Na Pru Wa Yang
Ma langai hte chyinghka kaw hkrum yang, Kanu Kawa ni nga n nga san ra ai. Dai gaw Kanu Kawa ni a uphkang ai lam hpe hkungga ai lam madun ai re. (Ga Sha. 6:20) Lama na, ma gaw nta de shang na matu tsun wa yang, simani ai hte n shang sai lam tsun ra ai. Kanu Kawa ni n nga ai rai yang, anhte gaw kaga aten hta she bai sa ging ai.
Ma gaw asak 15 hte 19 lapran rai yang pyi, nta hta Kanu Kawa ni nga n nga san ai gaw kaja ai. Lama na Kanu Kawa ni n nga yang, shi hpe laika ni hti na matu ahkang jaw, n jaw san ging ai. Ahkang jaw ai nga yang, laika ni hpe garan ya nna, jw.org/kac web site hpe mung matsun ya mai ai.
Myit lawm ai ramma langai hpang de bai kawan ai shaloi, Kanu Kawa ni hte hkrum mai, n mai san ging ai. Dai gaw anhte sa ai yaw shada lam hpe tsun dan na matu hte dinghku a matu Chyum Laika hta na kam ging ai hpaji jaw ga ni hpe tsun dan na matu ahkaw ahkang lu shangun ai. (Shk. 119:86, 138) Kanu Kawa ni hpe anhte hkungga ai lam madun nna, shanhte hpe myit tau ya ai gaw kaja ai sakse hkam ai lam re ai zawn, dinghku a matu Chyum Laika a kabu gara shiga ni hpe tsun dan na matu ahkaw ahkang lu shangun ai.—1 Pet. 2:12.