Ginsup shingjawng ai wa gaw, matut kungkyang nga hkra n-gun sha ni hpe shaman nga ra ai. Dai hte maren, anhte a chye chyang lu ai nyan hpe mung, matut nna shaman shakyang nga ra ai. (Heb 5:14) Anhte gaw kaga masha ni dawdan ya ai hpe hkan galaw mai ai raitim, tinang a sawn sumru ai atsam hpe shaman shakyang nna tinang hkrai dawdan chye hkra galaw ra ai. Hpa majaw kun? Anhte gaw tinang a dawdan lam ni hte maren jahpan dan ra na majaw re.—Rom 14:12.

Hkalup hkam da ai shaning grai na sai majaw, kaja ai dawdan lam ni hpe sha galaw na re ngu n mai sawn la ai. Hpaji rawng ai dawdan lam ni jahkrat lu na matu, Yehowa, shi a Mungga hte uhpung hpe tsep kawp shamyet shanat ra ai.—Ysh 1:7, 8; Gsh 3:5, 6; Mat 24:45.

“KAJA AI MYIT NSAM HPE HKANG DA U” VIDEO HPE YU NNA, LAWU NA GA SAN NI HPE HTAI U:

• Ema gaw gara dawdan lam hpe jahkrat ra wa ai kun?

• Myit nsam hte seng ai lam ni hta, tinang a ningmu hte tsun ai hpe anhte hpa majaw koi ra ai kun?

• Yanla langai gaw, Ema hpe hpa hpaji jaw ga tsun dan wa ai kun?

• Ema gaw shi a masa hte seng nna, karum ya lu ai lam ni hpe gara kaw na tam wa ai kun?