Chyum Laika sharin ai hta lang na laika buk nnan hte brochure nnan hpe lu ai majaw grai myit kahpra nga sai! Masha law law sape tai wa hkra, shakut shaja ai hpe shaman chyeju jaw ya na matu anhte akyu hpyi ai. (Mat 28:18-20; 1Ko 3:6-9) Ndai hkingrai nnan hpe gara hku lang na?

Htani Htana Ngwi Pyaw Ai Prat! Chyum Laika rau hkaja lamang ngu ai laika buk hpe, ladat nnan hte sharin lu hkra lajang da ya ai. Lawu na lam matsun ni hpe, Chyum ga sharin a matu hkyen lajang ai shaloi, sharin ya ai shaloi hkan sa mai ai. *

• Hkaja na lam hpe hti nna, ga san ni hpe bawngban u

• “Hti u” chyum daw ni hpe hti nna, dai hta lawm ai hpe chyum ga sharin chye na hkra karum ya u

• Video ni hpe yu nna bawngban u. Lajang da ya ai ga san ni hpe akyu jashawn u

• Daw kaba langai ngut shagu, daw kaji langai hpra hpe bai maram u

Hkaw tsun bungli hta, myit lawm ai lam madun ai wa hpe brochure shawng jaw u. (“ Hkaw Tsun Ten hta Htani Htana Ngwi Pyaw Ai Prat! brochure gara hku garan na” lawk hpe yu u.) Brochure hpe arau hkaja ngut ai hpang, chyum ga sharin gaw matut sharin mayu yang, laika buk jaw nna daw 4 kaw nna sharin hpang u. Lama na, Sharin Ya laika buk hte N-gaw Nwai laika buk hpe marai langai ngai hte hkaja nga yang, Htani Htana Ngwi Pyaw Ai Prat! laika buk hte gara daw kaw nna galai hkaja hpang na ngu ai hpe dawdan mai ai.

CHYUM LAIKA HKAJA NA MATU SAW SHAGA AI VIDEO HPE YU NNA LAWU NA GA SAN NI HPE HTAI U:

• Laika buk nnan kaw nna chyum ga sharin ni gara hku sharin la lu na kun?

• Chyum ga sharin nnan hpe, ndai video hpa majaw madun ra ai kun?

• Bandung ni hpe chyum ga sharin hkan sa lu hkra, angwi ngwi gara hku n-gun jaw ging ai kun?—“ Daw Kaba Shagu A Matu Madung Lam Hte Bandung Ni” ngu ai hpe yu u.