Htani Htana Ngwi Pyaw Ai Prat! laika buk hta lawm ai video ni hte ningmu ga san ni hpe ra sharawng ai kun? “Nkau Mi Tsun Ai,” “Bandung,” hte “Sawk Sagawn” ngu ai lam ni hte seng nna gaw taw? Kaga gara lam ni mung chyum ga sharin ai shaloi akyu rawng ai kun?​—Mat 28:19, 20.

Midiya: Laika buk lang nna chyum ga sharin yang, video ni hte midiya ni hpe shara mi hta, gara hku aloi sha lu la mai na kun? Dijite hkrang laika buk hta, madung daw kaba 4 nga ai kaw na langai hpe lata u. Ga baw kaji yawng a npu hta, dai daw a matu video yawng hpe lu la mai ai. (Sumla 1 hpe yu u.)

“Printed Edition” hkrang: Electronic hkrang hku nna marai langai ngai hte chyum ga sharin nga ai nga yang, “Printed Edition” hkrang hpe mung yu mai ai. Sharin nga ai laman, laika man a lahta na kahtawk masum hpe dip nna, “Printed Edition” hpe lata u. Dai hkrang gaw, nang bawngban taw nga ai lam gaw, daw a lam yawng hte gara hku matut mahkai ai hpe chye shangun ai. Dijite hkrang hku bai yu na matu, kahtawk masum hpe dip nna, “Digital Edition” hpe lata u. 

“Ngai Jin Sai Kun?”: Jahtum maga hta lawm ai ndai lawk gaw, nawku hpung hte arau hkaw tsun na matu, hkalup hkam na matu ra ai atsam ningja ni hpe tsun dan da ai. (Sumla 2 hpe yu u.)

Jahtum Matsing: Jahtum matsing ni gaw, nkau ahkyak ai lam ni hpe sanglang dan ya ai. Dijite laika buk hta link lawm ai. Hkaja mayu ai shara de bai du hkra link hpe dip u. (Sumla 2 hpe yu u.)