HKRISTAN PRAT HKRUN LAM
Yehowa Gaw Wenyi Htum Ai Ni Hpe Hkye La Mu Ai
Masha yawng gaw kalang lang yawn ai aten ni nga chye ai. Dai gaw wenyi lam gawngkya ai lachyum n re. Yehowa pyi yawn ai aten ni nga ai ngu tsun ai. (Nin 6:5, 6) Chyahkring hkring (sh) ayan na yawn ai ngu hkamsha taw yang gaw gara hku kun?
Yehowa kaw karum hpyi u. Yehowa gaw anhte a myit hkamja lam hpe grai myit lawm ai. Anhte pyaw ai aten hte yawn ai aten hpe shi chye ai. Hpa majaw dai hku myit ai, hkamsha ai hpe shi chye na ai. (Shk 7:9b) Ahkyak htum gaw, Yehowa anhte hpe lanu lahku ai. Yawn ai (sh) myit daw ana byin ai shaloi tawt lai lu hkra shi karum ya lu ai.—Shk 34:18.
Myit hkamja lam hpe sadi u. N kaja ai hkamsha lam ni gaw anhte a ngwi pyaw lam hpe sha n-ga, nawku daw jau lam hpe pyi hkra machyi chye ai. Dai majaw, anhte a myit masin re ai myit kata na masha hpe atsawm makawp maga ra ai.—Gsh 4:23.
MYIT DAW AI NGU HKAMSHA TIM ANHTE A HPUNAU NI NGWI PYAW SIMSA LU VIDEO HPE YU NNA LAWU NA GA SAN NI HPE HTAI U:
-
Myit daw ai hpe tawt lai lu hkra Niki hpa galaw ai kun?
-
Sarawun sa madun ra ai ngu Niki hpa majaw hkamsha ai kun?—Mat 9:12
-
Karum shingtau lu na matu Yehowa hpe Niki gara hku kamhpa wa ai kun?
