HKRISTAN PRAT HKRUN LAM
Kanu Kawa Ni—Karai A Nyan Hpaji Lu Hkra Ma Ni Hpe Karum Ya U
Karai a nyan hpaji lu hkra ma ni hpe kanu kawa ni karum ya lu ai kaja htum lam langai gaw, Hkristan zuphpawng ni kaw na akyu lu hkra karum ya ai hku nna re. Zuphpawng hta jaw ai mahtai ni, mu lu, na lu, hkamsha lu ai lam ni gaw, Yehowa a lam sharin la lu hkra, shi hte hku hkau wa hkra ramma ni hpe karum ya lu ai. (Trj 31:12, 13) Nang gaw kanu kawa rai yang, ma ni zuphpawng kaw na akyu hpring tup lu hkra gara hku karum ya lu ai kun?
-
Zuphpawng hpe masha nan sa lung lu hkra shakut u.—Shk 22:22
-
Zuphpawng n hpang shi yang hte ngut ai aten hta Nawku Htingnu hta hpunau nauna ni hte kanawn mazum na matu aten jaw u.—Heb 10:25
-
Zuphpawng hta hkaja na laili laika ni nta masha yawng lu hkra, dijite hte rai rai, laika buk hte rai rai shajin ya u.
-
Shanhte a ga hte mahtai jaw chye hkra ma ni hpe shajin ya u.—Mat 21:15, 16
-
Zuphpawng hte dai hta lu ai lam matsun ni hte seng nna kaja ai hku tsun u
-
Nawku hpung na asak kaba ai ni hte ga shaga na matu, Nawku Htingnu jasan jaseng ai hte seng ai bungli ni hta shang lawm na matu ma ni hpe karum ya u
Ma ni hpe Yehowa hte hku hkau hkra karum ya ai gaw ayan na n loi ai. Grai n-gun dat ra ai. Raitim, Yehowa a karum shingtau lam hpe kam mai ai.—Esa 40:29.
KANU KAWA NI, YEHOWA HPE KAMHPA U VIDEO HPE YU NNA, LAWU NA GA SAN NI HPE HTAI U:
-
Grai pu ba ai majaw, Zek yan Lea hpa ni hkra machyi wa ai kun?
-
N-gun atsam lu na matu kanu kawa ni Yehowa hpe hpa majaw kamhpa ging ai kun?
-
Awng dang lam lu na matu Zek yan Lea gaw Yehowa hpe gara hku kamhpa wa ai kun?
