HKRISTAN PRAT HKRUN LAM
Yehowa A Masha Ni A Matu Bungli Galaw Ya Ai Sagu Rem Ni
Ahkang aya nga ai ni hpe masha law law n kam ma ai. Dai zawn byin ai hpe anhte chye na ai. Shinggyim labau hta, ahkang aya hpe shanhte akyu a matu sha grau jailang wa ai majaw re. (Mik 7:3) Nawku hpung myitsu salang ni chyawm gaw, Yehowa a masha ni akyu lu hkra ahkang aya hpe jailang na matu shaman shakyang da hkrum ai gaw chyeju dum hpa re.—Est 10:3; Mat 20:25, 26.
Myitsu salang ni gaw, ndai mungkan a ahkang aya nga ai ni hte n bung ai sha, Yehowa hte shi a masha ni hpe tsawra ai majaw, woi awn ai lit hpe kangka hkra galaw ai re. (Yhn 21:16; 1Pe 5:1-3) Yesu a lam matsun npu hta, dai sagu rem ni gaw, hkaw tsun masha yawng hpe Yehowa a dinghku hta nta masha zawn hkamsha hkra, Yehowa hte nihtep hkra karum ya ai. Yehowa a sagu ni hpe wenyi lam hta alawan karum ya ai. Hkyak hkyak tsi tsi ra ai aten (sh) shingra tara tsin-yam hkrum ai aten ni hta mung alawan karum ya ai. Karum shingtau ra yang, nawku hpung kaw na myitsu salang hpe wanglu wanglang tsun dan u.—Yak 5:14.
SAGU HPUNG HPE LANU LAHKU AI SAGU REM NI VIDEO HPE YU NNA, LAWU NA GA SAN NI HPE HTAI U:
-
Myitsu salang ni jaw ai karum shingtau lam kaw na Mariyana gara hku akyu lu wa ai kun?
-
Myitsu salang ni jaw ai karum shingtau lam kaw na Eliya gara hku akyu lu wa ai kun?
-
Myitsu salang ni galaw ai bungli hpe mu mada ai lam hta dai mahkrum madup ni gaw gara hku akyu shabyin ya ai kun?
