MANAM TAU NI Nang hpe karum ya na matu, manam tau ni hpe lit jaw da ai. Mawdaw tawn na shara, zuphpawng wang kata pru shang ai hte seng nna matsun ai lam, shara la ai lam hte kaga shanhte matsun ya ai lam yawng hpe hkan sa nna karum ya rit.

HKALUP Hkalup hkam na ni a matu shara ni hpe, pinra shawng hta, laksan masat da ya na re. Hkalup hkam na ni gaw, Kru Ya jahpawt daw hta htawn na hkalup mungga n hpang shi yang, masat da ai shara hta du nga ging ai. Tinang a hpajet ni hpe la sa ra nna, sari rawng ai bu hpun palawng ni hpun ging ai.

ALU GUMHPRAW NI Yehowa hte grau hku hkau wa shangun ai ndai ginwang zuphpawng hpe angwi apyaw hte lung lu na matu dung shara, nsen jak hte kaga ra mara a matu gumhpraw ram ram jailang da ai. Tsawra myit hte bang ya ai alu gumhpraw ni gaw, dai lam ni hpe madi shadaw ya nna, mungkan grup magam bungli hpe mung, madi shadaw ya ai. Nang aloi sha mu na matu, alu sutdek ni hpe zuphpawng a shara shagu hta tawn da ya ai. donate.pr418.com hta shang yu nna mung alu bang mai ai. Alu gumhpraw yawng hpe grai manu shadan ga ai. Mungkan grup magam bungli hpe sharawng awng let madi shadaw ya ai na a alu gumhpraw ni a matu, Uphkang Hpung gaw grai chyeju dum ai.

NINGSHAWNG TSI DAP Ndai gaw hkyak hkyak byin wa ai a matu sha re ai hpe chyeju hte myit dum u.

ARAI MAT BAI MU SAGAWN NA DAP Mu hta ai arai ni hpe, Arai Mat Bai Mu Dap de sa ya rit. Lama ma mat yang mung, ndai dap de sa nna arai hpan amyu hpe tsun dan u. Kanu Kawa ni hte hka mat na lam dam nga ai ma ni hpe mu yang mung, ndai dap de woi wa rit. Raitim, kaga masha ni hpe lit shali ai zawn n byin hkra, chyeju hte tinang a ma ni hpe tinang hte arau nga na matu lajang u.

DUNG SHARA Chyeju hte kaga masha ni hpe myit tau ya rit. Tinang hte mawdaw arau jawn ai ni, nta langai hta sha nga ai ni (sh) Chyum ga sharin ni a matu sha, dunghkum shara la da mai ai hpe matsing u. Chyeju hte arai ni hpe tinang a makau na dunghkum ntsa hta n mara da ga.

SHAWANG LIT GUN Ginwang zuphpawng lamang hte seng ai magam bungli ni hta shang lawm mayu yang, Shawang Lit Gun Dap de shana ya rit.

Kabu Gara Shiga Hkaw Tsun Ai Ni A Matu Chyum Jawng Laban shani hta galaw na Kabu Gara Shiga Hkaw Tsun Ai Ni A Matu Jawng, myit lawm ai ni a matu zuphpawng hpe, asak 23 ning hte 65 ning lapran nga ai lamwoi ningshawng ni sa lung na matu saw shaga ga ai. Aten hte shara hpe zuphpawng hta shana na re.