Chyum Laika Kaw Na Chye Lu Ai Ni
Chyum Laika hta ndai prat na anhte a matu, Karai Kasang a ga ni lawm ai. Kaja htum asak aprat lu na matu hte Karai Kasang a man e myiman pa lu hkra, gara hku galaw mai na hpe madun dan ai. Lawu na ga san ni a mahtai hpe mung madun da ya ai.
4 Chyum Laika gaw hpung tang hpaji hte mung hkrak re ai kun?
6 Meshia na lam hpe Chyum Laika hta gara hku tau hkrau tsun da ai kun?
7 Ndai prat hte seng nna Chyum Laika hta gara lam ni tau hkrau tsun da a ta?
8 Masha ni yakhkak jamjau hkrum ai gaw Karai Kasang a majaw kun?
10 Htawm hpang prat hte seng ai gara ga sadi ni Chyum Laika hta lawm a ta?
14 Tinang hta nga ai arung arai ni hpe gara hku hparan mai na kun?
17 Chyum Laika gaw na a dinghku hpe gara hku karum ya lu na kun?
20 Chyum Laika hti ai lam kaw na akyu grau lu hkra gara hku galaw mai na kun?
CHYUM DAW NI HPE GARA HKU TAM NA
Chyum Laika hpe laika buk kaji 66 hte kahkyin da ai. Hebrew-Aramaic Laika (“Ga Shaka Dingsa”) hte Greek Laika (“Ga Shaka Ningnan”) ngu nna, daw lahkawng garan da ai. Laika shagu hpe daw kaba, daw kaji garan da ai. Chyum daw matsun ai shaloi amying a hpang na nambat gaw daw kaba, de a hpang na nambat ni gaw daw kaji ni re ai. Ga shadawn, Ningpawt Ninghpang 1:1 nga yang, Ningpawt Ninghpang daw kaba 1, daw kaji 1 hpe tsun ai re.