“Ding hpring ai ni gaw dai mungdan hpe madu lu nna, Dai hta e nan nawng e nga nga lu na ma ra ai.”

Shakawn Kungdawn 37:29

“Ginding aga chyawm gaw, dinggrin a nga nga ai.”

Hpaji Ningli 1:4

“Shi gaw si hkrung si htan hpe mayu kau nu ai; Madu Yehowa gaw myi man shagu a myi prawi katsut kau na ra ai.”

Esaia 25:8

“Dai shaloi e myi hten ai ni, myi mu lu nna, na n na ai ni, na lu na ma ra ai. Lagaw hten ai wa gaw shan nga zawn gumtawng lu nna, maa ai wa a shinglet gaw mahkawn mangoi na ra ai; kaning rai nme law, hkraw hkun ai shara e hka hpawk hpaw nna, zaibru jang e hka lawi na ra ai. Kahtet kabrim ai zaibru jang hta hka lawng, hkraw hkun ai ga hta hka hpawk, hpaw na ra ai: nam gwi ni yup ai shara hta maiaw hte hka shaman hpawn tsingdu tu na ra ai.”

Esaia 35:5, 6

“Shi gaw shanhte a myi hta na myi prawi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai.”

Shingran 21:4

 “Shanhte gaw tinang galaw ai nta hta shanu nga nna, tinang hkai ai tsabyi sun na asi, sha na ma ra ai. Shanhte nta galaw nna, masha kaga rawng na, n rai; shanhte tsabyi sun hkai nna, masha kaga sha lu na, n rai: nye a amyu masha ni a asak gaw, hpun a asak zawn rai wa nna, ngai lata la ai amyu gaw, tinang lata amu a akyu, na na wa hkam la na ma ra ai.”

Esaia 65:21, 22