“Akyu hpyi ai ga madat mara ai wa e, Masha nlang nang kaw du na ma ra ai.”

Shakawn Kungdawn 65:2

“Na a myit masin mahkra hte Yehowa hpe kam hpa nga u; Na a chye chyang ai nyan hta hkum shamyet shanat nga u. Lam shagu hta shi hpe a dum nga u, Shing rai yang, shi na a lam shading na ra ai.”

Ga Shagawp 3:5, 6

“Htani htana asak ngu ai chyawm gaw, langai sha rai nga ai hte teng man re ai nang Karai Kasang hpe mung, nang shangun dat ai wa Yesu Hkristu hpe mung, shanhte chye chyang lu ai hpe, ngu ai, rai nga ai.”

Yawhan 17:3

“[Karai Kasang] anhte kadai hte mung tsan nga ai n rai.”

Kasa 17:27

“Nanhte a tsawra ai myit gaw chye chyang ai hte myit leng ai yawng hta grau nna jat htam wa na matu ngai a hpyi nga nngai.”

Hpilipi 1:10

 “Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe n daw n hta a jaw nga ai Karai Kasang kaw, hpyi nga u ga; shaloi shi lu la na ru ai.”

Yaku 1:5

“Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.”

Yaku 4:8

“Kaning rai nme law, Karai Kasang a hkang da ai ga hpe hkan galaw ai lam gaw, shi hpe tsaw ra ngu ai lam rai nga ai; shi a hkang da ai ga chyawm gaw, yak la nga ai n rai.”

1 Yawhan 5:3