“Nang Betlehem-Ehprat e, . . . Israela amyu hpe up na madu gaw, nye a matu, nang kaw na pru na ra ai.”

Mihka 5:2

“Ya, Herod hkawhkam a lakhtak e, Yuda mung na Betlehem mare hta Yesu shangai wa ngut jang, yu mu, hpaji rawng ai masha sinpraw mung na Yerusalem de sa du ma ai rai nna,”

Mahte 2:1

“Nye a nba shanhte karan la mu ai rai nna, Nye a kata palawng hpe hpaida da ma ai.”

Shakawn Kungdawn 22:18

“Hpyen masha ni gaw Yesu hpe jen da ngut jang, shi a hpun palawng hpe la nna, mali brang di ga karan nhtawm, hpyen masha langai mi e daw daw la mu ai: . . . kata palawng gaw shakung n rawng ai, lawng du nna htum hkra da ai rai nga ai. Dai majaw shanhte gaw, Palawng ndai hpe anhte n gang je ai sha, kadai mahtang la ang na gaw hpaida da ga, nga nna shada da tsun ma ai.”

Yawhan 19:23, 24

“Shi a nrut nra yawng hte hpe shi yu ya nga nna, Langai mi muk daw mat lu ai n rai.”

Shakawn Kungdawn 34:20

“Yesu kaw du yang, shi si mat boi sai hpe shanhte mu ma ai majaw, shi a lagaw hpe gaw n daw ya mu ai.”

Yawhan 19:33

“Anhte a tara tawt lai ai a jaw e hkala nba . . . ahpye alam hkrum sha nga ai.”

Esaia 53:5

“Hpyen masha langai mi gaw, shi a garep hpe ri hte galun waw ya wu ai rai nna, shaloi jang, sai hte ntsin pru wa ai.”

Yawhan 19:34

“Shanhte gaw, ngai hpe shabrai jaw na, gumhpraw sumshi shen ma ai.”

Zehkaria 11:12, 13

“Dai shaloi, sape shi lahkawng hta lawm ai, Yuda Iskarut ngu ai wa langai mi, hkinjawng agyi ni kaw pru sa nna, Ngai nanhte a lata hta e shi hpe ap ya yang, ngai hpe gade jaw na myit ta? ngu wu ai. Dai rai nna shanhte gaw gumhpraw lap sumshi, shi e shen ya mu ai.”

Mahte 26:14, 15; 27:5