HPA baw byin ai kun yu yu mu!. Nawng hkyeng hka ntsa e, dawhkrawng hpe ladawn nga ai wa gaw Mawshe re. Shi hte rau angwi apyaw sha maga mi de tsap nga ai masha ni gaw Israela masha ni rai ma ai. Raitimung Hpara-u hte shi a hpyen hpung ni gaw, lup si mat sai. Kaning rai nna lup si mat ma ai kun, yu yu ga.

Anhte sharin lai wa sai hte maren, Egutu mung hta e, 10 lang ngu na ari zinli hpe Karai Kasang du shangun ai hpang, Hpara-u gaw Israela masha ni hpe Egutu mung kaw na pru wa shangun sai. Israela la ni 600,000 daram pru wa ma ai. Anum ni hte ama ni mung law law lawm wa ma ai.Yehowa hpe kamsham wa ai kaga masha ni law law mung Israela masha ni hte rau hkan nang wa ma ai. Shanhte a sagu ni, bainam ni, dumsu ni hpe mung woi pru wa ma ai.

Shanhte rai n pru wa yang Israela masha ni gaw, Egutu masha ni kaw na hpun palawng ni, ja gumhpraw hte galaw ai arai ni, hpe hpyi la ma ai. Egutu masha ni mung hpang jahtum na ari zinli a majaw, hkrit ma ai. Israela masha ni hpyi ai hte maren jaw ma ai.

Shani tsawm ra ya hkawm ai hpang, Israela masha ni Nawng Hkyeng de du wa ma ai. Dai kaw e shanhte wa hkring sa nga ma ai. Dai aten laman e Hpara-u hte shi a masha ni gaw, Israela masha ni hpe dat kau ai majaw lahpawt dum wa ai. ‘Anhte a mayam ni hpe dat kau saga ai le,’ nga nna tsun ma ai.

Dai rai nna Hpara-u gaw myit bai galai mat ai. Alawan sha shi a gumra leng hte shi a hpyen hpung hpe hkyen dat ai. Grau reng ai gum ra leng 600 hte, Egutu mung na gumra leng ni hpe la nna Israela masha ni a hpang de hkan shachyut nang ma ai.

Hpara-u hte shi a hpyen hpung kaba shanhte hpang de hkan nang ma ai hpe, Israela masha ni mu ma ai shaloi na chyin hkrit ma ai. Shanhte hprawng na lam nnga ai. Maga mi kaw Nawng Hkyeng nga ai. Ndai maga de gaw Egutu masha ni sa wa ma ai. Yehowa gaw shi a masha ni hte Egutu masha ni a lapran e, sumwi hte madin din shatang kau ai. Dai rai nna Egutu masha ni gaw Israela masha ni hpe n mu lu ma ai majaw nlu gasat ma ai.

Yehowa mung Nawng Hkyeng ntsa e dawhkrawng hpe ladawn dat u, nga nna Mawshe hpe tsun ai. Shing rai Mawshe ladawn dat ai hte, Yehowa gaw sinpraw maga de na nbung bung shangun dat ai. Panglai nawng garan mat ai. Ahka ni gaw lahkawng maga de hkring mat ma ai.

Dai shaloi Israela masha ni gaw, hkun hkraw ai panglai lapran hku, hkawm lai wa ma ai. Masha wan law law hte, dusat ni, panglai a maga mi de angwi apyaw hkawm na matu, ahkying ram ram na ai re. Dai hpang e Egutu masha ni gaw Israela masha ni hpe, bai mu lu ma ai. Shanhte a mayam ni lawt mat wa masai. Dai majaw panglai nawng hta shang nna, alawan hkan nang ma ai.

Shing rai hkan nang ma ai shaloi, Karai Kasng gaw shanhte a gumra leng dingsen ni, raw hkrat mat hkra galaw dat ai. Dai majaw Egutu masha ni grai hkrit ai hte: ‘Yehowa gaw Israela masha ni hpang de nga nna, anhte hpe gasat nga sai, ndai yang na rawt hprawng saga,’ nga nna jahtau ma ai.

Ndai sumla hta mu ai hte maren, Nawng Hkyeng kaw e, dawhkrawng hpe ladawn dat u, nga nna Yehowa gaw Mawshe hpe tsun dat ai. Mawshe gaw dawhkrawng hpe ladawn dat ai shaloi, hka shakum kamyet wa nna Egutu masha ni hte shan hte a gumra leng ni hpe, lim kau ai. Hpyen hpung ting Israela masha ni a hpang hkan nang ma ai majaw, Egutu masha langai mi mung asak nlawt lu ma ai.

Karai Kasang a amyu masha ni yawng lawt lu ai gaw, kade daram kabu hpa re ahka! Yehowa hpe chyeju dum ai majaw ala ni yawng ning nga nna mahkawn ma ai: ‘Yehowa gaw hpung shing kang dan hkung nga ai. Awng padang ning law lu sai. Hpyen leng ni hte, hpyen hpung ni hpe, nawng hta gum pye bang kau nu ai’ nga nna shakawn ma ai. Mawshe a kana Miriam mung, tingse doria lang let, kabu ai hte, ka manawt nga ai. Kaga num sha ni mung, shi a hpang e, hkan nang ma ai. Ala ni mahkawn ai hte maren, shanhte mung: ‘Yehowa gaw hpung shing kang dan hkrung nga ai. Awng padang ning law lu sai. Hpyen leng ni hte, hpyen hpung ni hpe, nawng hta gumpye bang kau nu ai,’ nga nna mahkawn shakawn ma ai.