DAW 7
Yesu Hkrung Rawt Ai Aten Kaw Nna Pawlu Htawng Hkrat Ai Aten Du Hkra
Yesu gaw si nna masum ya nhtoi hta bai hkrung rawt wa ai. Dai shani hta shi a sape ni a man e, aten shai nna manga lang ahkum shadan dan ai. Matut nna nhtoi 40 ya ahkum shadan dan ai. Dai hpang sape ni yu nga yang sumsing lamu de lung mat wa ai. Nhtoi shi ya na ai hpang Yerusalem mare e la nga ai Yesu a hpang hkan ai masha ni ntsa e Karai Kasang a chyoi pra ai wenyi ru jaw dat ai.
Dai hpang e Karai Kasang a hpyen ni gaw kasa ni hpe htawng sharawng da ma ai. Raitimung lamu kasa gaw shanhte hpe hkye la ai. Sape Stehpan hpe ningdang gasat ai masha ni nlung tawng hte kabai sat kau ma ai. Raitimung ningdang gasat ai masha ni kaw na masha langai mi hpe Yesu gaw shi a lak san mayam hku nna lata la ai. Dai wa gaw kasa Pawlu tai wa ai. Bai nna Yesu si ai hpang masum ning chyen na jang Karai Kasang gaw Petru hpe shangun dat nna Yuda amyu nre ai Koneli hte shi a dum nta masha ni hpe sa hkaw tsun shangun ai.
13 ning na ai hpang e Pawlu gaw langai ngu na kabu gara shiga hkaw ai hkrun lam hpe hpang ai. Lahkawng lang ngu na hta Timohti mung hkan nang sa ai. Pawlu hte shi a hkawm sa manang ni Karai Kasang hpe nawku ai hta kade daram myit kahpra na zawn re ai lam hkrum kadup ma ai lam hpe mu lu na re. Hpang jahtum e kasa Pawlu gaw Roma mung hta htawng hkrat mat wa ai. Dai hpang lahkawng ning hta shi bai lawt wa ai. Raitimung dai hpang e kalang mi bai htawng jahkrat kau ai hkrum nna shi hpe sat kau ma ai. DAW 7 hta lawm ai byin masa ni gaw shaning 32 ning a lapran e byin ai lam ni re.
Ndai Pang Hta Lawm Ai Ni
MAUMWI 102
Yesu Bai Hkrung Sai
Lamu kasa langai gaw Yesu a lup kaw na nlung hpe la kau ai hpang, sin nga ai hpyen la ni gaw kata kaw hpa n nga ai hpe mu nna mau mat.
MAUMWI 103
Zaw La Ai Gawk De Shang Ai
Yesu hkrung rawt wa ai hpang sape ni gaw shi hpe hpa majaw n matsing ai kun?
MAUMWI 104
Yesu Sumsing Lamu De Bai Lung Wa Sai
Yesu gaw sumsing lamu de garai n lung shi yang, sape ni hpe hpang jahtum lam matsun langai jaw wa.
MAUMWI 105
Yerusalem Kaw La Nga Ma Ai
Pentekoti hta Yesu gaw sape ni hpe chyoi pra ai wenyi gara hku ru jaw wa ai kun?
MAUMWI 106
Htawng Kaw Na Pru Wa Ma Ai
Yuda nawku htung ningbaw ni gaw hkaw tsun bungli hkring mat hkra kasa ni hpe htawng jahkrat kau ai. Raitim, Karai Kasang hta kaga lam nga ai.
MAUMWI 107
Stehpan Nlung Hte Kabai Sat Hkrum Ai
Sat hkrum nga ai laman, Stehpan gaw laklai ai kyu hpyi ga langai hpe hpyi wa ai.
MAUMWI 108
Damasaku De Sa Ai Lam Ntsa Kaw
Myi n mu mat hkra galaw ya ai nhtoi langai hte lamu kaw na nsen langai gaw Shawlu a prat hpe galai shai ya shangun ai.
MAUMWI 109
Koneli Kaw Petru Sa Ai
Amyu langai gaw kaga amyu ni hta grau kaja ai ngu Karai Kasang mu mada ai kun?
MAUMWI 110
Timohti—Pawlu A Shingtau Ningnan
Timohti gaw Pawlu hte rau hkaw tsun na matu nta kaw na pru wa.
MAUMWI 111
Yup Pyaw Mat Wa Ai Lasha
Utuhku gaw Pawlu a nambat lahkawng mungga htawn nga ai shaloi hta n re ai sha, nambat langai mungga htawn nga ai laman, yup-nga mat ai. Nambat langai hte nambat lahkawng mungga htawn ai lapran hta mauhpa amu byin wa ai.
MAUMWI 112
Zunlawng Langai Mi Hta Sanghpaw Li Hten Ai
Masha yawng si hkyen sai ngu shadu nga ai shaloi, Pawlu gaw Karai Kasang kaw na myit mada lam jaw ai shiga lu la ai.
MAUMWI 113
Pawlu Roma Kaw Nga Ai Shaloi
Pawlu gaw bawng masha byin nga ai shaloi, kasa langai hku nna shi a bungli hpe gara hku galaw lu ai kun?