KABU GARA SHIGA HKAW TSUN AI NI A MATU CHYUM JAWNG Laban Ya shani ka-ang hta, Kabu Gara Shiga Hkaw Tsun Ai Ni A Matu Jawng, myit lawm ai ni a matu zuphpawng hpe, asak 23 ning kaw nna 65 ning lapran nga ai, magam bungli rawt jat na matu myit lawm ai lamwoi ningshawng ni hpe, sa lung na matu saw shaga ga ai. Aten hte shara hpe tau hkrau shana na re.

MANAM TAU NI Nang hpe karum ya na matu, manam tau ni hpe lit jaw da ai. Mawdaw parking da ai lam, zuphpawng wang kata pru shang ai hte seng nna matsun ya ai lam, shara la ai lam hte kaga shanhte matsun ya ai ni yawng hpe hkan sa let chyeju hte karum ya rit.

HKALUP Hkalup hkam na ni a matu, shara ni hpe pinra shawng hta, laksan masat da ya na re. Hkalup hkam na ni gaw, Kru Ya jahpawt daw hta htawn tsun na, hkalup mungga n hpang shi yang, masat da ai shara hta du da ging ai. Tinang a hpajet ni hpe la sa ra nna, sari rawng ai bu hpun palawng ni hpun ging ai.

ALU GUMHPRAW NI Yehowa hte grau hku hkau wa shangun ai, ndai ginwang zuphpawng hpe angwi apyaw hte lung lu na matu dung shara, nsen jak hte kaga ra mara a matu gumhpraw ram ram wa jailang da ai. Na a tsawra myit hte bang ya ai alu gumhpraw ni gaw, dai lam ni hpe madi shadaw ya nna, mungkan grup magam bungli hpe mung, madi shadaw ya ai. Nang aloi sha mu na matu, dan dan leng leng masat da ai alu sutdek ni hpe, ndai zuphpawng a shara shagu hta tawn da ya ai. Alu gumhpraw yawng hpe, grai manu shadan ga ai. Mungkan grup magam bungli hpe sharawng awng let madi shadaw ya ai, na a alu gumhpraw ni a matu, Uphkang Hpung gaw grai chyeju dum ai.

NINGSHAWNG TSI DAP Ndai gaw Hkyak Hkyak Byin Wa Ai a matu sha re ai hpe chyeju hte myit dum u.

ARAI MAT BAI MU SAGAWN NA DAP Mu hta ai arai ni hpe, Arai Mat Bai Mu Dap de sa ya rit. Lama ma mat yang mung, ndai dap de sa nna, arai hpan amyu hpe tsun dan u. Kanu Kawa ni hte hka mat nna, lam dam nga ai ma ni hpe mu yang mung, ndai dap de sa ya rit. Raitim, kaga masha ni hpe lit shali ai zawn n byin hkra, chyeju hte tinang a ma ni hpe tinang hte arau nga na matu shakut ga.

DUNG SHARA Chyeju hte kaga masha ni hpe myit tau ya rit. Tinang hte mawdaw langai sha jawn wa ai ni, nta langai hta sha nga ai ni (sh) nang hte Chyum Laika hkaja nga ai ni a matu sha, dunghkum shara la da mai ai hpe matsing u. Chyeju hte arai ni hpe tinang a makau na dunghkum ntsa hta n mara da ga.

SHAWANG LIT GUN Ginwang zuphpawng lamang hte seng ai magam bungli ni hta shang lawm mayu yang, Shawang Lit Gun Dap de shiga sa ya rit.