Dai ni, ga ningtsa byin nga ai n kăja ai lam ni gaw Hparadisu du ni sai lam mădun ai. Hparadisu gărai n du ai lăman ē hkrit hpa rē ai aten hpe anhtē mu lu na rè nga, Chyum laika tsun da ai. Shing rē ai aten hta, ya anhtē asak hkrung nga ga ai. Lăwu na byin tai măsa ni gaw byin wa na nga nna Chyum laika tsun da ai byin tai măsa nkau mi rè ai:

Măjan kăba ni. “Amyu mi hte amyu mi, mung mi hte mung mi shăda da gumlau hkat na mă ra ai.” (Mahte 24:⁠7) Ndai myihtoi ga teng wa sai. 1914 ning kaw nna mungkan măjan kăba ­lăhkawng hte măjan kăji law law byin wa sai. Dai măjan ni hta ē măsha wan law law si mat wa sai.

Bra chyam ai ana zinli. “shăra kăga kăga hta ē ana zinli wa ai” lam byin na ra ai. (Luka 21:11) Dai zawn byin nga să ni? Byin nga sai. Mawng ana, sălum ana, sin wawp ana, hka li ana, AIDS ana, hte kăga ana zinli ni gaw măsha wan law law hpe si mat wa shăngun sai.

Mălu măsha n law ai lam. Mungkan ting shăra shăgu hta, shat lu sha n law sha ai măsha ni nga ma ai. Shăning shăgu kawsi hpang găra ai măjaw, măsha wan law law si nga ma ai. Dai lam gaw, kădē n na yang Hparadisu du na ra ai a kăga kumla lăngai rè ai. Chyum laika hta ning nga tsun ai: “Hku mung hku wa na ra ai.”​—⁠Marku 13:⁠8.

 Nnang nawn ni. “Nnang nawn, shăra kăga kăga hta ē byin wa na ra ai.” (Mahte 24:⁠7) Ndai zawn mung anhtē a ban prat ē byin nga sai. 1914 ning kaw nna nnang nawn ai măjaw, măsha wan mi jan si mat wa sai.

N hkru ai măsha ni. Măsha ni gaw “gumhpraw mărin ai ni” hte “tinang hkum hpe tsaw ra ai ni” rai na mă ra ai. Shanhtē gaw, “Kărai Kăsang hpe tsaw ra ai hta tinang a pyaw daw lam hpe grau shărawng ai ni” rai na mă ra ai. Ma kăsha ni gaw, “kanu kăwa ga n mădat ai ni” rai na mă ra ai. (2 Timohte 3:​1-5) Dai ni, dai zawn rē ai măsha ni law law nga ai lam, nang myit n hkrum na kun? Shanhtē gaw Kărai Kăsang hpe n hkungga ai sha n-ga, Kărai Kăsang a lam hpe shăkut shărin la nga ai ni hpe pyi, jam jau jaw ma ai.

Ru hka amu. “Tăra tawt lai ai amu” mung law wa na mă ra ai. (Mahte 24:12) Lai wa sai shă­ning ni hta, ru hka amu grau law wa ai hpe nang myit hkrum na rin dai. Shăra shăgu nga shăjang ai măsha ni gaw kăshun na, măsu sha na, shing n rai shoi hpa tsin yam jaw na hpe hkrit nga ma ai.

Ndai lam ni yawng gaw, Kărai Kăsang a Mungdan ni măgang wa ra ai ngu mădun ai. Chyum laika hta ning nga ai: “Dai lam ni byin hpang wa ai hpe nanhtē mu myit yang, Kărai Kăsang a mungdan du ra ai hpe, chyē na nga mu.” (Luka 21:31) Kărai Kăsang a Mungdan gaw hpa rai ta? Dai gaw ginding aga ningtsa ē Hparadisu shăbyin ya na, Kărai Kăsang a sumsing lămu atsuya rè ai. Kărai Kăsang a Mungdan gaw, shinggyim măsha ni a up hkang lam a mălai shang na rè.​—⁠Daniela 2:44.