Yēsu Hkristu gaw Yehowa a Kăsha hte hku hkau htum ai, tsaw ra htum ai jinghku rè ai. Yēsu gaw shinggyim măsha lăngai hku nna aga ningtsa dē gărai n nga pra yang, sumsing lămu ē n-gun atsam rawng ai wenyi hkrung kănu lăngai hku nna asak hkrung lai wa sai. (Yawhan 17:5) Dai hpang, shi ginding aga de du sa nhtawm, măsha ni hpe Kărai Kăsang hte seng ai teng man ai tăra hpe shărin ya wu ai. (Yawhan 18:37) Shi gaw mădat măra ai shinggyim măsha ni hpe yubak hte si hkrung si htan kaw na hkyē hkrang la na mătu, shi a shinggyim măsha asak hpe, nawng kau wu ai. (Roma 6:​23) Yēsu gaw ya Kărai Kăsang Mungdan a Hkaw hkam tai nga sai. Dai sumsing lămu Mungdan atsuya gaw, ndai ginding aga hpe Hparadisu shăbyin ya na ra ai.​—Shingran 19:16.

Lămu kăsa ni mung Kărai Kăsang a jinghku ni rè. Lămu kăsa ni gaw shinggyim măsha ni hku nna, ginding aga ningtsa ē asak npawt dē ai ni n rai ma ai. Ginding aga hpe Kărai Kăsang gărai n hpan yang, shanhtē hpe sumsing lămu hta ē hpan da nu ai. (Yoba 38:​4-7) Lămu kăsa wan law law nga ma ai. (Daniela 7:​10) Kărai Kăsang a sumsing lămu hta na ndai jinghku ni gaw, Yehowa hte seng ai teng man ai tăra hpe măsha ni hpe chyē shăngun măyu ma ai.​—Shingran 14:​6, 7.

Aga ningtsa ē mung, Kărai Kăsang a jinghku ni nga ma ai; shanhtē hpe shi a saksē ni ngu shămying wu ai. Tăra rung ē saksē lăngai gaw mărai lăngai ngai, shing n rai lăma ma hte seng nna shi chyē tawn ai hpe tsun dan ai. Yehowa saksē ni gaw, Yehowa hte shi a yaw shăda ai lam hte seng nna, shanhtē chyē tawn ai lam hpe kăga măsha ni hpe tsun dan ma ai. (Esaia 43:10) Saksē ni gaw lămu kăsa ni zawn, Yehowa hte seng ai teng man ai tăra hpe shărin hka ja la na mătu, nang hpe kărum măyu ma ai. Shanhtē gaw nang hpe mung, Kărai Kăsang a jinghku byin shangun măyu ma ai.