Chyum laika hti nna Yehowa a lam hpe shărin la lu ai. Moi shawng de Kărai Kăsang gaw shi a myit mang ai lam hpe ka tawn na mătu, măsha nkau mi hpe lăta wu ai. Dai ka tawn ai laika ni hpe Chyum laika nga ma ai. Dai ni, Chyum laika hpe hti nna Kărai Kăsang a lam hpe anhtē shărin la lu ai. Chyum laika gaw Yehowa a aga, shing n rai shiga, lawm ai măjaw, Kărai Kăsang a Mungga mung nga ma ai. Yehowa gaw găloi mung n măsu ai măjaw, Chyum laika hta mătsum tawn ai lam ni hpe anhtē kam lu ai. “Kărai Kăsang gaw găloi mung n măsu kau lu ai.” (Hebre 6:18) Kărai Kăsang a Mungga hta teng man ai lam lawm nga ai.—Yawhan 17:17.

Chyum laika gaw anhtē a mătu, Kărai Kăsang kaw na mănu dan dik htum ai kumhpa lăngai rè ai. Ndai gaw, tsaw ra ai kăwa langai, shi a kăsha ni hpang de shăgun dat ai laika hte bung ai. Dai kaw anhtē hpe tsun da ai gaw, ginding aga hpe mau hpa nga shăra lăngai—Hparadisu lăngai—gălai ya na lam, ga sădi jaw da ai. Shi a kang ka ai kăsha ni a mătu, lai wa ai aten hta hpa gălaw sai lam, ya yang ē hpa gălaw nga ai lam hte htawm hpang prat ē hpa gălaw ya na lam anhtē hpe tsum dan ai. Manghkang ni hpe hpăran lu nna, ngwi pyaw lam hpe tam lu na mătu mung, anhtē hpe kărum ya ai.—2 Timohti 3:16, 17.

 Yehowa saksē ni gaw Kărai Kăsang a jinghku ni rè; Chyum laika shărin achyin ai lam hpe chyē na hkra nang hpe kărum ya na ma ai. Chyum laika hka ja la măyu ai lam sha shanhtē hpe tsun dat u. De a mătu mănu jăhpu n hpyi ma ai. (Mahte 10:8) Dai hta n-ga, Hkristan zup hpawng ni mung lung lu ai. Dai zup hpawng ni hpe Mungdan Rap Daw ngu ai naw ku shăra kaw gălaw ma ai. Nang Hkristan zup hpawng ni lung yang, Kărai Kăsang hpe chyē chyang ai hparat hta, grai lăwan let rawt kăba wa na rè.

Mădu gălaw da ai arai hku nna, Kărai Kăsang a lam hpe nang shărin la lu ai. Ga shădawn, “Kărai Kăsang gaw sumsing lămu hte ginding aga hpe hpan da wu ai,” nga nna Chyum laika tsun ai. (Ningpawt Ninghpang 1:1) “Sumsing lămu” hpe Yehowa hpan da ai shăloi, jan hpe shi hpan da wu ai. Dai gaw Kărai Kăsang a lam hpa tsun dan a ta? Yehowa gaw dăru măgam kăba lu ai lam tsun dan ai. Shi chyu sha jan zawn rē ai dăru măgam lu ai arai ni hpe gălaw lu ai wa rè. Kăhtet hte ahtoi jaw ti mung, n hkru mat ai jan hpe gălaw na mătu, hpaji byeng-ya ra ai măjaw, Yehowa gaw hpaji rawng ai wa rè ai lam mung anhtē hpe tsun da ai.

Yehowa a hpan da ai lam gaw, shi anhtē hpe tsaw ra ai hpe mădun ai. Ga ningtsa ē tu ai namsi namsaw hkum sum hpa hpe sumru yu u. Yehowa gaw anhtē a mătu, namsi amyu mi sha jaw tim mai ai—shing n rai, n jaw tim mai ai. De a mălai, Yehowa gaw anhtē a mătu, hkrang shing yan, hkrang măsat, nsam hte măchyim namta amyu myu htē hpe jaw da wu ai. Shing rai Yehowa gaw tsaw ra ai sha n-ga, jaw lu jaw sha kam ai, myit jăsat ai, mătsan dum lăma ai hpe mung mădun ai.—Shăkawn Kungdawn 104:24.