Jinghku grin na mătu shi hte ga shăga ra ai. Nang gaw shi hpe mădat nna, shi mung nang hpe mădat na wu ai. Na jinghku wa a mai kăja ai lam hpe mung, kăga măsha ni hpe nang tsun dan na wu ai. Kărai Kăsang a jinghku rai yang mung, dai hte măren rè ai. Dai hte seng nna Chyum laika kăning nga ai hpe myit yu ga:

Akyu hpyi ai hku Yehowa hte ayan ga shăga u. “Akyu hpyi ai hta htep lăhti tut rai nga mu.”​—Roma 12:12.

Kărai Kăsang a Mungga, Chyum laika hpe hti u. “Kărai Kăsang ē shung ya ai Chyum laika shăgu gaw, shărin shăga ya ai, dăru shărin chyē ai, mye shăding lu ai hte, ding hpring ai lam hta shă­rin achyin ya na mătu, akyu rawng nga ai.”​—2 Timohte 3:​17

Kărai Kăsang a lam kăga ni hpe shărin ya u. “Nanhtē pru sa nna, măsha amyu baw shăgu hpe săpe shătai let, . . . ngai nanhtē hpe hkang da măda yawng htē hpe hkan shădik lu mu ga, shanhtē hpe shărin shăga ya mu.”​—Mahte 28:19, 20.

 Kărai Kăsang a jinghku ni hpang de sit kă­htep nga u. “Hpaji rawng ai ni hte kănawn ai wa hpaji rawng na ra ai.”​—Ga shăgawp 13:20.

Mungdan Rap Daw ē zup hpawng lung u. “Tsaw ra ai myit rawng wa na hte kăja ai amu bungli byin wa na mătu, shăda shingjawng hkat lu hkra, lăngai hte lăngai myit tau myit htang nga ga: . . . shăda da hpe shădum shăhprang nga ga.”​—Hebre 10:24, 25.

Mungdan bungli hpe mădi shădaw ya u. “Lăngai hte lăngai tinang kraw lăwang ē myit da ai hte măren jaw u ga; lăhpawt ai myit hte n rai, jaw shăngun ai măjaw sha mung n rè ai sha, Kărai Kăsang gaw kăbu găra ai myit hte jaw ya ai wa hpe tsaw ra nga ai.”​—2 Korinhtu 9:7.