Kărai Kăsang a jinghku byin ai lam gaw, nang hta ē byin măbyin mahkra hta kăja htum ai lam rè ai. Kărai Kăsang gaw nang hpe kăning rai myit pyaw na hte shim lam hpe shărin ya na rè; shut ai măkam măsham ni hte tsin yam jaw lu ai arawn alai ni kaw na lawt shăngun na rè ai. Na a akyu hpyi ai ga ni hpe mădat ya na rè ai. Shi gaw myit simsa lam hte kam hpa myit dik hkra kărum ya na rè. (Shăkawn Kungdawn 71:5; 73:28) Kărai Kăsang gaw nang jam jau hkrum ai ten hta, mădi shădaw ya na rè ai. (Shăkawn Kungdawn 18:18) Kărai Kăsang gaw nang hpe htani htana asak kumhpa jaw na rè.—Roma 6:23.

Nang Kărai Kăsang kaw kăhtep shăni ai hte măren, Kărai Kăsang a jinghku ni kaw mung nang kăhtep shăni wa na rè. Shanhtē mung na a jinghku ni tai wa na rè. Kăning rai nga yang, shanhtē gaw na a kăhpu kănau, kăna kăjan ni zawn tai na ma ai. Shanhtē gaw kăbu găra let, nang hpe Kărai Kăsang a lam shărin ya na hta n-ga, kărum n-gun jaw na ma ai.

Kărai Kăsang hte anhtē n bung ai. Nang Kărai Kăsang a jinghku tai măyu ai hte măren, ahkyak kăba ai ga lămi lăngai hpe chyē na ra ai. Kărai Kăsang hte jinghku hku ai gaw, bung pre ai mădang jinghku hku ai n rè. Shi gaw anhtē hta grau asak kăba ai, grau hpaji rawng ai, n-gun atsam mung grau kăba ai. Shi gaw anhtē a teng man ai up hkang Mădu rè. Dai măjaw shi a jinghku tai măyu yang, anhtē shi a ga mădat ra ai, shi tsun ai hpe hkan gălaw ra ai. Ndai zawn gălaw yang, anhtē a mai kăja ai lam tut nawng byin na rè.—Esaia 48:18.