Madat nga ai ni hpe kaja ai ningmu hte mu chye hkra shakut u. Hpunau nauna ni gaw, Yehowa ra sharawng ai lam galaw mayu ai hpe kam u. Nang hpaji jaw ra yang pyi, mai byin yang galoi mung myit madung hte shawng shakawn ya u.

Kaja ai ningmu hku n mu shangun ai lam ni hpe tsun ging ai daram sha tsun u. Manghkang hpe hparan ya lu ai lam hpe ahkyak shatai tsun mayu ai shaloi she, manghkang hpe tsun dan u. Nang tsun ai lam gaw, kaja ai ningmu hku tsun ai sha rai ra ai.

Karai a Mungga hpe atsawm lang u. Shinggyim masha ni a matu Yehowa galaw ya wa ai lam ni, matut galaw ya nga ai lam ni, naw galaw ya na lam ni hpe myit maju jung wa hkra galaw u. Madat nga ai ni hpe myit mada lam jaw ai hte n-gun jaw nna shangang shakang ya u.