Madat nga ai ni chye da ai lam ni hpe dinglik u. Na ga ai lam ni hpe kahtap htap bai tsun dan ai daram sha galaw na malai, dai hpe ningmu nnan hte mu wa hkra karum ya u.

Tam sawk sagawn nna, myit sumru yu u. Nang tsun mayu ai lam hpe sang lang dan ai shaloi, mai byin yang, nau n chye shi ai lam ni (sh) ya byin nga ai mabyin ni hpe tsun dan u. Nang sang lang ya mayu ai lam hte lakap tsun na lam gaw, gara hku matut mahkai ai hpe atsawm myit yu u.

Akyu nga ai shiga re ai hpe madun u. Chyum daw hta tsun ai lam ni gaw, madat nga ai ni a shani shagu sak hkrung lam hpe, gara hku karum ya ai lam sang lang dan u. Madat nga ai ni hte seng ai, tup hkrak re ai masa ni, myit jasat ni hte arawn alai ni a lam bawngban u.