HKAJA 20
Tang Du Ai Hpungdim Ga
Hpaji 12:13, 14
KADUN DAWK: Sharin la wa ai lam ni hpe hkap la nna hkan sa na matu, madat nga ai ni hpe hpungdim ga hta n-gun jaw u.
GALAW MAI AI LAM:
-
Hpungdim ga hpe, tsun wa ai lam yawng hte kadun dawk matut mahkai u. Ga baw hte madung lam ni hpe bai tsun dan u.
-
Madat nga ai ni hpe shadut ya u. Madat nga ai ni hpa galaw ra na hte, hpa majaw dai hku galaw ra ai lam tsun dan u. Nang tsun nga ai lam gaw ahkyak nna, dai hpe nang tsep kawp kam ai lam hku tsun u.
-
Hpungdim ga hpe kadun dawk asan sha tsun u. Lam nnan ni hpe hkum tsun. Tatut hkan galaw na matu n-gun jaw ai hku nna, ga si nkau hpe ra ang ai hku lang mai ai.
