Yehowa gaw Ewa hpe hpan nna, Adam hte hkungran ya ai.​​—​Ningpawt 2:​21, 22.

Yehowa gaw shan yan hpe, hkum tsup ai myit masin, hkum hkrang hte hpan da ai.

Dai Hparadisu nta gaw hka nu langai hte, namsi namsaw ni, dusat ni nga ai tsawm dik ai Edin sun rai nga ai.

Yehowa gaw shan yan hpe ga shaga ai, sharin ya ai. Karai Kasang a ga madat yang, dai sun hta htani htana asak hkrung lu na re.

Yehowa gaw Adam yan Ewa hpe, sun kata na hpun langai hpe madun nna, de a namsi hpe hkum sha, sha yang si na ngu tsun da ai.

Lamu kasa langai gaw Karai Kasang hpe gumlau mat ai. Dai nhkru ai wa gaw Satan re.

Satan gaw Adam yan Ewa hpe, Karai Kasang a ga n madat shangun mayu ai. Dai majaw, Ewa hpe ga shaga na matu, lapu langai hpe asung jashawn nna, dai namsi sha yang si na n re, Karai Kasang zawn byin wa na, ngu tsun ai. Dai gaw masu ai re.​​—​Ningpawt 3:​1-5.