Wenyi hkum hkrang ni grai law hkra nga ai ngu Chyum Laika hta tsun da ai. Yehowa nan mung wenyi hkum hkrang re.—Yawhan 4:24; 2 Korinhtu 3:​17, 18.

Ninggawn tawa hta Yehowa langai hkrai sha nga wa ai aten mung nga ai. Hpang hta lamu kasa ni ngu shaga ai wenyi hkum hkrang ni hpe Karai Kasang hpan wa ai. Shanhte gaw shinggyim masha ni hta atsam kaba nna, machye machyang mung grau rawng ai. Lamu kasa law law hpe Yehowa hpan wa ai. Karai a mayam langai re ai Daniela gaw shingran langai hta, wan hku law ai lamu kasa ni hpe mu wa ai.—Daniela 7:10; Hebre 1:7.

Karai Kasang gaw dai lamu kasa ni hpe mungkan ga hpe garai n hpan shi ai aten kaw na hpan da ai re. (Yoba 38:4-7) Shanhte kaw na langai mung mungkan ga kaw nga nna si mat ai ni n re.