Yehowa a masha ni hte arau nga ai aten ni hta hkam sha wa ai ngwi pyaw hpa lam ni hpe nang naw dum nga ai kun? Dai hta, n-gun awai la lu ai hpung zuphpawng, ginwang zuphpawng, hkaw tsun bungli kaw na n-gun lu hpa mahkrum madup, hpunau nauna ni hte kanawn mazum ai aten ni lawm na re. Rai yang, nang Yehowa hpe n malap shi ai zawn, shi mung nang hpe n malap ai. Nang sadi dung let magam gun wa ai hpe, shi manu shadan nna myit dum nga ai. Yehowa gaw nang bai nhtang wa na matu, kabu gara hte karum ya mayu ai.

Yehowa ndai hku tsun ai: “Ngai hkum nan, nye a sagu ni hpe sawk yu nna, hkan tam na nngai. Sagu rem wa gaw, bra nga ai sagu ni hpe hkan tam shakut ai hte maren, ngai mung nye a sagu ni hpe hkan tam na nngai: . . . shanhte bra wa ai shara shagu hkan na, ngai shanhte hpe shaw woi wa na nngai.”​—Ezekela 34:​11, 12.