Anhte yawng tinang hkrai hkaja na matu aten shadawn sharam sha lu ai. Aten loi mi hte akyu law law lu hkra hpa galaw mai ai kun? Aten jaw nna hti u. Lam law law hpe ntsa lam hti mat na malai, loi mi hpe sha atsawm hkaja ai gaw grau akyu nga ai.

Hpa hpe shawng hti na ngu ai hpe dawdan u. (Ehp 5:15, 16) Ndai hpaji jaw da ai lam ni hpe myit yu u:

• Shani shagu Chyum Laika hti u. (Shk 1:2) Bat shagu bat lapran zuphpawng hta hkaja na Chyum Laika daw kaba ni kaw nna hti hpang ai gaw akyu nga chye ai.

• Sin Langchyi Hkaja Hpawng hte bat lapran zuphpawng a matu hkyen lajang u. Mahtai jaw lu hkra hkyen lajang u.—Shk 22:22.

• Aten lu yang lu ai hku shawa a matu shapraw da ai magazin ni, video ni, jw.org hta mara da ai ni hpe aten hkrak hkrak hkan hti, hkan yu u.

• Lam langai hpe tam sawk sagawn u. Hkrum nga ai manghkang, chye mayu ai ga san, grau chye na mayu ai Chyum Laika lam hpe tam sawk sagawn mai ai. Hpa ni tam sawk sagawn mai ai hpe chye mayu yang, jw.org hta lawm ai “Chyum Laika Hkaja Ai Lamang Ni” hta yu u.