Shada Da “Grau Nna” N-gun Jaw U
“Langai hte langai myit tau myit htang nga ga: . . . shada da hpe shadum shahprang nga ga: dai nhtoi du magang ra ai hpe, nanhte chye myit dai majaw, shing rai shadum shahprang shara grau nna rai nga ai.”—HEBRE 10:24, 25.
Mahkawn: 90, 87
1. Kasa Pawlu gaw tsa ban langai na Hebre Hkristan ni hpe shada da “grau nna” n-gun jaw hkat na matu hpa majaw tsun wa ai kun?
TSA BAN langai hta, kasa Pawlu gaw Hebre Hkristan ni hpe ndai hku hpaji jaw wa ai: “Tsaw ra ai myit rawng wa na hte kaja ai amu bungli byin wa na matu, shada shingjawng hkat lu hkra, langai hte langai myit tau myit htang nga ga: nkau mi wa htung nga ai zawn, anhte gaw tinang a zup hpawng ai lam hpe n koi n kau ai sha, shada da hpe shadum shahprang nga ga: dai nhtoi du magang ra ai hpe, nanhte chye myit dai majaw, shing rai shadum shahprang shara grau nna rai nga ai.” (Hebre 10:24, 25) Pawlu gaw shada da hpe grau nna n-gun jaw na matu, hpunau nauna ni hpe tsun wa ai majaw, shanhte ni mau na re. Hpa majaw dai zawn galaw shangun ai lam, manga ning pyi n du shi yang dan dawng wa ai. Dai aten hta, Yerusalem hpe Yehowa tara jeyang na nhtoi ni wa sai hpe shanhte mu wa ai. Shanhte hpe Yesu tsun wa ai hte maren, dai mare kaw nna hprawng ra na re ai hpe shanhte chye wa ma ai. (Luka 21:20-22; Kasa 2:19, 20) Roma ni gaw Yerusalem hpe jahten kau ai aten, A.D. 70 hta Yehowa a nhtoi du wa ai.
2. Dai ni aten hta anhte shada da hpa majaw grau nna n-gun jaw ra ai kun?
Yoela 2:11) Myihtoi Zehpani ndai hku tsun da ai: “Yehowa a galu kaba ai nhtoi ni nga ai; dai gaw ni wa nna, grai lawan nga ai.” (Zehpani 1:14) Dai majaw, kaja ai amu bungli galaw na matu hte tsawra myit nga na matu shada da lanu lahku ra ai. (Hebre 10:24) Anhte gaw hpunau nauna ni hpe grau nna myit lawm ai lam madun ra ai. Rai yang she, shanhte ra kadawn nga ai aten hta anhte n-gun jaw lu na re.
2 Anhte mung dai zawn aten hta asak hkrung nga ai. Yehowa a “galu kaba ai hte grai hkrit mai ai nhtoi” gaw ni wa sai. (N-gun Jaw Lam Ra Nga Ai Ni Gaw Kadai Ni Kun?
3. N-gun jaw lam hte seng nna kasa Pawlu hpa tsun wa ai kun? (Ndai sumhpa shawng na sumla hpe yu u.)
3 “Myit tsang ai lam gaw, myit ru shangun nna; Ngwi pyaw ai ga chyawm gaw, kabu gara shangun nga ai.” (Ga Shagawp 12:25, NW) Anhte yawng gaw, kalang lang n-gun jaw lam ra ga ai. Kaga ni hpe n-gun jaw na matu lit nga ai ni pyi, shanhte nan mung n-gun jaw lam ra ai ngu Pawlu tsun wa ai ga ni kaw nna anhte chye lu ai. Shi gaw, Roma kaw nga ai hpunau ni hpe ndai hku tsun wa ai: ‘Nanhte ngang kang nga myit ga, wenyi kumhpa langai ngai nanhte hpe karan jaw lu n ga, nanhte hte hkrum na ngai katu nga nngai: shing ngu ma de ai gaw, nanhte hte nye a kam sham ai lam a marang e, nanhte hte ngai, shangwi shapyaw ai hkamla lu n ga.’ (Roma 1:11, 12) Dai majaw, kasa Pawlu pyi kalang lang n-gun jaw lam ra wa ai.—Roma 15:30-32 hpe hti u.
4, 5. Dai ni aten hta kadai ni hpe anhte n-gun jaw mai ai kun? Hpa majaw kun?
4 Dai ni aten hta, sadi dung ai ningshawng ni hte hpawn, Yehowa hpe aten hpring magam gun nga ai ni hpe anhte n-gun jaw mai ai. Shanhte kaw nna law malawng gaw, tinang ra sharawng ai lam ni hpe nyet kau ma ai majaw, ningshawng galaw lu ma ai. Sasana magan gun ai ni, Behtela nta masha ni, RTO kaw magan gun nga ai ni, hpung kawan hpunau ni hte shanhte a ningrum ningtau ni hpe mung anhte n-gun jaw mai ai. Shanhte yawng gaw, Yehowa hpe grau nna magam gun lu na matu, sak jaw ai lam ni galaw wa ai. Dai majaw, shanhte hpe anhte n-gun jaw ra ai. Aten hpring magam hta shang lawm wa ai masha law law mung matut nna shang lawm mayu tim, lam amyu myu a majaw n lu shang lawm mat sai. Shanhte mung n-gun jaw lam lu la ai shaloi, chyeju dum ma ai.
5 Kadai ni hpe mung n-gun jaw ging ai kun? Yehowa a ga madat mara mayu nna, ‘Karai Wa hta sha’ hkungran mayu ai majaw, dinghku n shang shi ai hpunau nauna ni hpe mung anhte n-gun jaw mai ai. (1 Korinhtu 7:39) Madu wa ni gaw, tinang a madu jan ni hpe tsawra ai lam, shanhte galaw ya ai lam yawng hpe chyeju dum ai lam tsun dan yang, madu jan ni n-gun lu na re. (Ga Shagawp 31:28, 31) Zingri zingrat hkrum ai, machyi makaw hkrum nga ai Hkristan ni mung n-gun jaw lam ra ai. (2 Htesaloni 1:3-5) Yehowa hte Yesu gaw sadi dung ai ni yawng hpe shalan shabran ya ai.—2 Htesaloni 2:16, 17 hpe hti u.
Myitsu Salang Ni Gaw Anhte Hpe N-gun Jaw
6. Esaia 32:1, 2 hta lawm ai myitsu salang ni a lam kaw nna anhte hpa sharin la lu ai?
6 Esaia 32:1, 2 hpe hti u. Anhte gaw yak la ai aten hta asak hkrung nga ai majaw, yawn hkyen lam ni hte myit htum ai lam ni aloi sha byin wa chye ai. Anhte hpe n-gun jaw na matu Yesu Hkristu gaw, namman chya hkam ai hpunau ni hte sagu kaga ni kaw nna sadi dung ai “du ni” re ai myitsu salang ni hpe akyu jashawn ai. Dai myitsu salang ni gaw, anhte a makam masham hpe “madu” mayu ai majaw n re ai sha, kabu gara ai lam hta “shingdep shingtau” ai ni sha re. Shanhte gaw, anhte ngwi pyaw na matu hte matut nna sadi dung lu na matu karum ya mayu ai.—2 Korinhtu 1:24.
7, 8. Myitsu salang ni gaw shanhte tsun shaga ai, galaw ai lam hku nna kaga ni hpe gara hku karum ya mai ai kun?
7 Hpunau nauna ni hpe n-gun jaw na matu, ayan na shakut wa ai kasa Pawlu hpe myitsu salang ni kasi la mai ai. Zingri zingrat hkrum nga ai Htesaloni na Hkristan ni hpe Pawlu ndai hku n-gun jaw wa ai: “Nanhte hpe nja nhpra nga ga ai majaw, Karai Kasang a kabu gara shi ga sha n rai, anhte a asak hpe pyi nanhte hpe jaw kau na, anhte myit dik nga ga ai; kaning rai n me law, anhte a tsaw ra ai ni nanhte tai wa ma nit dai.”—1 Htesaloni 2:8.
8 Myitsu salang ni gaw, tsun shaga ai ga hku nna kaga ni hpe n-gun jaw mai ai. Raitim, dai daram sha kun? Ehpesu kaw nga ai myitsu salang ni hpe Pawlu ndai hku tsun wa ai: “Gawngkya ai ni hpe shadaw mai ai lam mung, Hkam sha ai hta jaw ya ai mahtang grau a nga ai, nga nna Madu Yesu nan tsun ai ga dum ga.” (Kasa 20:35) Pawlu gaw, shi a hpunau ni a matu, shi hta nga ai yawng hpe sha n-ga, shi hkum hpe pyi jaw mayu ai. Shanhte a matu kaja htum hpe galaw ya mayu ai lam, shi tatut galaw ai hku nna sakse madun wa ai. (2 Korinhtu 12:15) Dai hte maren, myitsu salang ni gaw, tsun shaga ai lam hte sha n-ga, galaw ai lam hte mung kaga ni hpe n-gun jaw nna shalan shabran ya ra ai. Dai gaw hpunau nauna ni hpe teng sha lanu lahku ai lam madun ai re.—1 Korinhtu 14:3.
9. Myitsu salang ni gaw sharin shaga ai lam hpe n-gun jaw ai lam hku byin na matu gara hku galaw mai ai kun?
9 Hpunau ni hpe shangang shakang ya na matu, myitsu salang ni gaw kalang lang, sharin shaga ya ra ai. Dai hpe n-gun jaw ai lam hku byin na matu, myitsu salang ni gaw Chyum Laika kaw nna sharin la mai ai. Yesu gaw sharin shaga ai lam hta, kaja htum kasi ningli madun wa ai. Dai hpe shi si nna bai hkrung rawt ngut ai hpang, Asi mung hta nga ai nawku hpung ni hpang de shiga shagun ai shaloi hta mu lu ai. Ehpesu, Pergamu hte Htuatira kaw nga ai nawku hpung ni hpe Yesu gaw, laja lana sharin shaga wa ai. Raitim, garai n sharin shaga shi yang, shanhte galaw nga ai kaja ai lam ni hpe shakawn ya wa ai. (Shingran 2:1-5, 12, 13, 18, 19) Ladoki kaw nga ai nawku hpung hpe Yesu ndai hku tsun wa ai: “Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.” (Shingran 3:19) Anhte a myitsu salang ni mung, sharin shaga ai shaloi, Yesu galaw wa ai zawn, hkan galaw ai hku nna kasi la ma ai.
Myitsu Salang Ni Sha Kaga Ni Hpe N-gun Jaw Mai Ai Kun?
Kanu kawa ni e, kaga ni hpe n-gun jaw chye na matu ma ni hpe shaman shakyang ya nga ai kun? (Laika pang 10 hpe yu u)
10. Anhte yawng gaw shada da hpe gara hku shangang shakang ya lu ai kun?
10 Myitsu salang ni sha, kaga ni hpe n-gun jaw na matu lit nga ai n re. Kaga ni hpe “akyu byin hkra, ra nga ai hte maren shadaw shalan na matu, mai kaja ai ga” tsun na matu Hkristan yawng hpe Pawlu n-gun jaw wa ai. (Ehpesu 4:29) Kaga ni ra kadawn nga ai lam hpe anhte myit yang she, shanhte hpe karum ya lu na re. Hebre Hkristan ni hpe Pawlu ndai hku ka wa ai: “Kya noi nga ai lata ni hte lapyin n rawng ai lahput ni hpe sharawt da ting mu; lagaw hten ai ni hkrihkraw n kashai ai sha, shamai ai hkrum lu mu ga, nanhte sa wa na matu, ding ai lam masun lajang mu.” (Hebre 12:12, 13) Anhte yawng gaw, tsun shaga ai ga hte shada da hpe shangang shakang ya lu nna, n-gun jaw lu ai. Asak grai naw kaji yang pyi, galaw mai ai.
11. Nauna Marti myit daw ai shaloi, shi hpe hpa gaw karum ya wa ai kun?
11 Nauna Marti gaw, aten loi mi myit daw myit hten wa ai. * Shi ndai hku ka wa ai: “Lani mi hta, n-gun jaw lam lu na matu akyu hpyi nga ai shaloi, dai aten hta ngai ra nga ai tsawra myit hte matsan dum myit madun wa ai nauna langai hte hkrum wa ai. Ngai hkrum nga ai chyam dinglik lam hte bung ai shi a mahkrum madup hpe tsun dan ai majaw, ngai hkamsha nga ai garen gari ai lam mung hkyemsa mat ai.” Dai nauna a ga ni gaw Marti hpe kade daram n-gun lu shangun ya ai hpe nauna chye yang she chye na re.
12, 13. Hpilipi 2:1-4 hta mu lu ai hpaji jaw ga hpe anhte gara hku hkan sa mai ai kun?
12 Hpilipi hta nga ai Hkristan ni hpe Pawlu ndai hku ka wa ai: “Dai re ai majaw, Hkristu hta e shadum shahprang na lam, tsaw ra ai myit hte shangwi shapyaw na lam, wenyi a kanawn mazum ai lam hte, n-gaw nwai nna matsan dum ai lam lama ma nga a yang gaw, nanhte myit hkrum mang hkrum langai sha, tsaw ra ai myit langai sha, myit masin langai sha hte myit mang langai sha e hkan nang nga myit dai hta, nye a kabu gara lam hpe shadik shatup nga mu. Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha a nga mu. Langai hte langai tinang hte seng ai sha n rai, masha gale hte seng ai hpe mung, myit yu nga mu ga.”—Hpilipi 2:1-4.
13 Anhte yawng gaw, shada da karum ya lu ai lam ni hpe tam ra ai. “Tsawra ai myit hte shangwi shapyaw na lam,” “wenyi a kanawn mazum ai lam hte,” “n-gaw nwai nna matsan dum ai lam” ni madun ai hku nna anhte a hpunau nauna ni hpe n-gun jaw mai ai.
N-gun Jaw Lu Ai Lam Nkau Mi
14. Anhte n-gun jaw lu ai lam langai gaw hpa rai kun?
14 Lai wa sai aten hta anhte karum ya wa ai ni gaw, matut nna sadi dung nga ai hpe anhte na ai shaloi, grai kabu ga ai. Kasa Yawhan ndai hku ka wa ai: “Ngai shu ngai 3 Yawhan 4) Ningshawng law law mung dai hte maren sha re. Shanhte teng man ai lam sharin ya wa ai masha ni, Yehowa hpe matut sadi dung nga nna, ningshawng pyi byin nga ai hpe na lu ai shaloi grai kabu ma ai. Lama na, ningshawng ni myit htum nga yang, lai wa sai aten hta shanhte karum ya wa ai lam ni hpe bai tsun dan mai ai.
sha ni gaw, dai teng man ai lam hta hkan hkawm ma ai hpe, ngai na lu ai kabu gara ai shara hta, grau nna kabu gara ai shara ngai n lu nngai.” (15. Sadi dung let magam gun nga ai ni hpe n-gun jaw na matu anhte hpa galaw mai ai kun?
15 Hpung kawan hpunau law law gaw, shanhte kawan ngut ai nawku hpung ni kaw nna chyeju dum ai laika hkap la lu ai shaloi, shanhte hte shanhte a madu jan ni n-gun grai lu ai ngu tsun ma ai. Yehowa hpe sadi dung let magam gun nga ai myitsu salang ni, sasana magam gun ni, ningshawng ni hte Behtela nta masha ni mung, n-gun jaw ga na lu ai shaloi, chyeju dum na re.
Anhte Yawng N-gun Jaw Mai Ai Lam
16. Marai langai ngai hpe n-gun jaw lu na matu hpa galaw mai ai kun?
16 Kaga masha hpe n-gun jaw ga tsun na matu yak taw yang gaw gara hku kun? Gaja wa nga yang, kaga ni hpe n-gun jaw na matu nau n yak ai. Marai langai ngai hpe mani dan na matu shakut u. Shi bai n mani dan ai nga yang, shi hta manghkang langai ngai nga ai rai nna, marai langai ngai hte shi ga shaga mayu na re. Shi tsun ai hpe madat ya nna shalan shabran ya mai ai.—Yaku 1:19.
17. Ramma hpunau langai hpe hpa gaw n-gun lu shangun wa ai kun?
17 Ramma hpunau Hinri gaw, Yehowa hpe nawku dawjau ai kaw nna hkring mat ai shi a jinghku law law a majaw grai myit n pyaw nga ai. Dai hta, myitsu salang hku nna magam Shakawn Kungdawn 46, Zehpani 3:17, hte Marku 10:29, 30 hpe hti ai kaw nna mung, shi shalan shabran lam lu wa ai.
gun lai wa ai shi a kawa mung lawm ai. Hpung kawan hpunau gaw, Hinri myit n pyaw nga ai hpe mu ai majaw, kawhpi lu na matu saw shaga ai. Shi gaw, Hinri tsun dan ai lam yawng hpe atsawm sha madat ya wa ai. Dai hku ga shaga ngut ai hpang, nta masha ni teng man ai lam de bai du wa na matu, karum ya lu ai lam gaw, Yehowa hpe shi matut sadi dung ai hku nna re ai hpe Hinri chye mat ai.Anhte yawng gaw shada da shangang shakang ya nna n-gun jaw lu (Laika pang 18 hpe yu u)
18. (a) N-gun jaw ai hte seng nna Hkawhkam Shawlumon hpa ka wa ai kun? (b) Kasa Pawlu gaw gara hku hpaji jaw wa ai kun?
18 Marti hte Hinri a mahkrum madup kaw nna anhte hpa sharin la lu ai kun? Shalan shabran lam hte n-gun jaw lam ra nga ai hpunau nauna ni hpe anhte yawng karum ya mai ai. Hkawhkam Shawlumon ndai hku ka wa ai: “Mani sumsai myi man ni gaw nang hpe kabu shangun nna; kaja ai shiga gaw nang hpe grau kabu shangun nga ai.” (Ga Shagawp 15:23, 30, JCLB) Nang chye ai ni kaw nna kadai gaw myit daw nna, yawn nga ai kun? Sin Langchyi (sh) anhte a website kaw lawm ai lam ni hpe hti dan mai na kun? Mungdan mahkawn ni hpe arau mahkawn ai gaw, anhte a hkamsha lam hpe grau kaja hkra galaw ya ai nga nna mung, Pawlu tsun wa ai. Shi ndai hku ka wa ai: “Shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum shahprang nga let, nanhte a kraw lawang hta Karai Kasang hpe mahkawn mangoi nga mu.”—Kolose 3:16; Kasa 16:25.
19. N-gun jaw na matu lani hte lani hpa majaw grau ahkyak wa ai kun? Anhte hpa galaw ra ai kun?
19 Yehowa a nhtoi ni wa sai hte maren, anhte shada da n-gun jaw hkat na matu grau nna ahkyak wa ai. (Hebre 10:25) Pawlu a ndai hpaji jaw ga hpe anhte hkan sa yang, ngwi pyaw lu na re: “Nanhte ya e pyi galaw nga myit dai hte maren, shada da shadum shahprang nna shadaw shalan nga mu.”—1 Htesaloni 5:11.
^ စာပိုဒ်၊ 11 Amying hpe galai shai da.