Ramma Ni E, Wenyi Bandung Ni Hpe Myit Maju Jung Nga Ai Kun?
“Na a amu bungli Yehowa hpe ap da u; Shing rai yang, nang myit ai hku grin wa na ra ai.”—GA SHAGAWP 16:3.
Mahkawn: 135, 144
1-3. (a) Ramma yawng gaw gara masa hta du nga nna hpa hte shingdaw mai ai kun? (Ndai sumhpa shawng na sumla hpe yu u.) (b) Dai zawn masa hta nga ai Hkristan ramma ni hpe hpa gaw karum ya na kun?
LAKSAN lamang langai a matu grai tsan ai mare de sa na ngu shingran yu u. Bu hkawm na matu, nang mawdaw jawn ra na re. Mawdaw daru de du ai shaloi, mawdaw ni hte masha ni grai law nga ai hpe mu ai majaw, nang myit shuk mat na re. Raitim, nang gara de sa mayu ai, gara mawdaw jawn ra ai hpe atsawm chye da yang, nang myit tsang sana n re. Shut ai shara de du mat shangun ai mawdaw hpe nang jawn na n re.
2 Prat gaw bu hkawm ai hte bung nna, ramma ni gaw mawdaw daru de du nga ai masha ni hte bung ai. Kalang lang, nanhte a prat hta lata ra ai lam ni grai law ai majaw, myit shuk na re. Raitim, nang gara de sa mayu ai hpe atsawm chye yang gaw, jaw ai hpe lata na matu grau loi na re. Gara lam hpe nang lata na kun?
3 Ndai sumhpa hta, dai ga san a mahtai hpe chye lu na re. Yehowa ra sharawng ai aprat hpe myit maju jung lu na matu mung, karum ya na re. Yehowa ra sharawng ai aprat ngu ai gaw, gara hpaji hpe sharin la na, gara bungli hpe lata na, dinghku shang na, n shang na hte ma la na, n la na zawn re ai anhte a prat hta dawdan Ga Shagawp 16:3 hpe hti u.
ra ai lam ni hpe, Yehowa lam matsun hte maren, dawdan ai hpe tsun mayu ai re. Bai nna, wenyi bandung ni de du hkra galaw ra ai. Dai zawn galaw yang, Yehowa hte grau ni htep wa na re. Yehowa a magam gun ai lam hta sha, nang myit maju jung ai nga yang, Yehowa nang hpe shaman chyeju jaw nna awng dang hkra karum ya na re.—Wenyi Bandung Ni Hpe Hpa Majaw Jahkrat Ra?
4. Ndai sumhpa hta anhte hpa lam hkaja na kun?
4 Wenyi bandung ni hpe jahkrat ai gaw kaja ai. Hpa majaw kun? Lam masum hpe hkaja yu ga. Yehowa a jinghku majing byin shangun ai wenyi bandung de du na matu, lam langai hte lahkawng gaw, nang hpe karum ya na re. Lam masum hta gaw, ramma aten hta bandung ni hpe jahkrat da yang, hpa majaw kaja ai hpe mu lu na re.
5. Wenyi bandung ni hpe hpa majaw jahkrat ra ai kun?
5 Lam langai, wenyi bandung ni hpe hpa majaw jahkrat ra ai kun? Yehowa a tsawra myit hte shi anhte hpe galaw ya ai lam ni a matu chyeju dum ai lam madun mayu ai majaw re. Shakawn Kungdawn sara langai ndai hku tsun ai: ‘Yehowa hpe shakawn kungdawn . . . na mai kaja nga ai. . . . Yehowa e, Na a amu hta nang ngai hpe kabu shangun nna, Na lata a bungli majaw, ngai awng wa na nngai.’ (Shakawn 92:1, 3, 4) Na a asak, na a makam masham, Chyum Laika, nawku hpung hte Hparadisu hta htani htana nga lu na myit mada lam ni zawn re ai Yehowa jaw da ai lam ni hpe nang myit yu u. Wenyi bandung ni hpe nang jahkrat yang, Yehowa galaw ya ai lam yawng a matu shi hpe chyeju dum ai lam madun ai re. Shi hte mung grau ni htep wa na re.
6. (a) Wenyi bandung ni jahkrat ai gaw Yehowa hte hku hkau lam ntsa gara hku akyu shabyin ya lu ai kun? (b) Nang asak naw kaji tim, hpa bandung ni hpe jahkrat mai ai kun?
6 Lam lahkawng, wenyi bandung ni jahkrat ai nga yang, dai bandung ni de du na matu shakut na re majaw, nang gaw Yehowa a matu kaja ai lam ni sha galaw mat na re. Dai gaw shi hte grau nna ni htep wa shangun ai. Kasa Pawlu ndai hku ga sadi jaw wa ai: “Karai Kasang a mying nsang a matu magam bungli gun hpai nna tsaw ra ai myit madun ai lam hpe, malap kau ya na gaw, shi n ding n hpring nga ai, n rai.” (Hebre 6:10) Bandung ni jahkrat na matu, nang asak grai naw kaji ai ngu n mai sawn la ai. Ga shadawn, sadi dung ai Sakse Hkam ni a prat labau ni hpe ayan hti na matu dawdan ai shaloi, nauna Hkristin gaw asak 10 ning sha naw re. Hpunau Tobi gaw, hkalup n hkam shi yang, Chyum Laika buk ting hpe ngut hkra hti na matu bandung jahkrat ai shaloi, asak 12 ning sha naw re. Hpunau Masim gaw asak 11 ning, shi a kanau Nomi gaw asak 10 ning hta hkalup hkam wa ai. Shan yan gaw, Behtela hta magam gun na matu, bandung jahkrat wa ai. Dai bandung hpe matut nna myit maju jung lu na matu, shan gaw Behtela tang shawn laika hpe shan a nta shakum hta shakap da ai. Nang gaw gara hku kun? Nang mung bandung nkau hpe jahkrat lu na kun? Bandung du na matu galaw hpang mai na kun?—Hpilipi 1:9-11 hpe hti u.
Na a bandung ni gaw hpa re ai hpe chye da yang, hpaji rawng ai dawdan lam ni hpe aloi sha jahkrat lu na
7, 8. (a) Dawdan lam ni jahkrat na matu grau loi hkra gara bandung ni tawn mai ai kun? (b) Ramma langai gaw dakkasu n lung na matu hpa majaw dawdan wa ai kun?
7 Lam masum, asak kaji ai shaloi, bandung ni jahkrat ai gaw hpa majaw kaja ai hpe yu yu ga. Asak kaji ai ni hku nna, dawdan lam law law hpe jahkrat ra na re. Gara hpaji hpe sharin na, gara bungli hpe galaw na ngu ai lam hte kaga lam law law hpe dawdan ra na re. Dai zawn dawdan ai gaw, bu hkawm ai shaloi, lam nbraw hta du nga ai hte bung ai. Gara de sa na hpe nang chye yang, gara lam hku sa ra na hpe nang aloi sha dawdan lu na re. Dai hte maren, na a bandung ni gaw hpa re ai hpe chye da yang, hpaji rawng ai dawdan lam ni hpe aloi sha jahkrat lu na re. Ga Shagawp 21:5 (JCLB) hta ndai hku tsun da ai: “Bungli masing hpe sadi sahka hte galaw ai rai yang, nang hta law htam wa na ra ai.” Ramma aten hta kaja ai bandung ni hpe jahkrat na nga yang, htawm hpang hta awng dang lam ni lu na re. Ramma aten hta, grai ahkyak ai dawdan lam langai jahkrat ra wa ai nauna Damari a mahkrum madup hpe yu yu ga.
8 Damari gaw lahta tsang jawng ngut ai shaloi, grai madang tsaw ai hku awng wa ai. Dai majaw, tara hte seng ai dakkasu hpe manu jahpu n jaw ra ai sha, lung na matu ahkang lu ai. Raitim, gumhpraw dum hta galaw na matu sha, lata wa ai. Hpa majaw kun? Shi asak kaji ai shaloi, ningshawng galaw na matu dawdan da ai majaw re. Shi ndai hku tsun ai: “Ndai gaw aten daw chyen sha galaw ra ai bungli re. Tara hte seng ai janmau lu gup la yang gaw, gumhpraw law law lu na re. Raitim, aten daw chyen bungli lu galaw na n re.” Damari gaw, ningshawng magam hpe 20 ning galaw wa sai. Ramma aten hta jahkrat wa ai dawdan lam hte bandung gaw jaw ai ngu shi hkamsha ai kun? Hkamsha ai. Shi galaw nga ai gumhpraw dum hta, tara hte seng ai dakkasu lung yang, shi mung byin wa lu ai tara kasa law law hte hkrum ai. Tara kasa law malawng gaw, shanhte a bungli hte seng nna n pyaw ma ai ngu shi tsun ai. Damari gaw, ningshawng galaw nga ai shaning ni hta, ngwi pyaw lam law law hpe hkamsha wa nna, shanhte zawn n pyaw ai lam ni n nga wa ai.
9. Ramma ni a matu anhte hpa majaw arawng la ai kun?
9 Mungkan ting na hkying lam hku law ai anhte a ramma ni gaw, shakut shaja nga ma ai majaw, shakawn ya ging ai. Yehowa hte shanhte a hku hkau lam, wenyi bandung tawn ai lam ni gaw, shanhte a prat hta madung lam re. Dai ramma ni gaw, shanhte a prat hta teng sha ngwi pyaw nga ma ai. Shanhte gaw, jawng hpaji, kanbau bungli, dinghku prat hte hpawn, lam yawng mayawng hta Yehowa a lam matsun ni hpe hkan sa na matu sharin la nga ai. Shawlumon ndai hku tsun ai: “Na a myit masin mahkra hte Yehowa hpe kam hpa nga u; . . . Lam shagu hta shi hpe a dum nga u, Shing rai yang, shi na a lam shading na ra ai.” (Ga Shagawp 3:5, 6) Ramma ni e, nanhte hpe Yehowa grai tsawra ai. Nanhte gaw shi a matu grai manu dan ai. Dai majaw, shi nanhte hpe makawp maga ya na, lam matsun ya na, shaman chyeju jaw na re.
Kaga Ni Hpe Yehowa A Lam Tsun Dan Na Matu Atsawm Hkyen Lajang U
10. (a) Hkaw tsun magam gaw anhte a matu hpa majaw ahkyak htum lam langai rai ra ai kun? (b) Tinang a makam masham hpe gara hku nna grau sanglang dan lu na kun?
10 Yehowa myit pyaw hkra galaw na matu, nang myit maju jung yang, kaga ni hpe Yehowa a lam tsun dan mayu na re. Yesu Hkristu ndai hku tsun ai: “Dai kabu gara shiga hpe, . . . shawng hkaw dan lu na, rai nga ai.” (Marku 13:10) Dai majaw, hkaw tsun bungli gaw grai ahkyak nna, anhte yawng a matu mung, ahkyak htum lam langai rai ra ai. Hkaw tsun magam hpe grau nna galaw na matu, nang bandung jahkrat mai na kun? Ningshawng galaw lu na kun? Hkaw tsun magam hta, shang lawm na matu nau myit n lawm yang gara hku kun? Tinang a makam masham hpe gara hku nna grau sanglang dan lu na kun? Lam lahkawng gaw nang hpe karum ya lu ai: Atsawm hkyen lajang u. Yehowa hte seng nna nang chye da ai lam hpe asum n jaw ai sha hkaw tsun u. Dai hku galaw yang, hkaw tsun magam hta shang lawm ai shaloi, grau ngwi pyaw wa na re.
Kaga ni hpe Yehowa a lam tsun dan na matu nang gara hku hkyen lajang ai kun? (Laika pang 11, 12 hpe yu u)
11, 12. (a) Kaga ni hpe Yehowa a lam tsun dan lu na matu nang gara hku hkyen lajang mai ai kun? (b) Ramma hpunau langai gaw, jawng hta Yehowa a lam tsun dan na matu ahkaw ahkang hpe gara hku tam wa ai kun?
ဆယ်ကျော်သက်များ npu hta lawm ai shaman laika hta, “ဘုရားသခင်ရှိတယ်လို့ ငါဘာကြောင့် ယုံကြည်ရ” ngu ai ga baw hta yu mai ai. Na a mahtai ni hpe hkyen lajang lu na matu, dai shaman laika hta lawm ai lam ni hpe hkan sa u. Nang akyu jashawn mai ai ndai Chyum daw masum hpe mu lu na re: Hebre 3:4, Roma 1:20 hte Shakawn 139:14. Kaga ga san law law a mahtai hpe nang hkyen lajang lu na matu mung, shaman laika ni grai law hkra naw nga ai.—1 Petru 3:15 hpe hti u.
11 Na a jawng ma manang ni san chye ai ga san ni a mahtai ni hpe, tau hkrau hkyen lajang da ai hku nna galaw hpang mai ai. Ga shadawn, “Nang hpa majaw Karai Kasang hpe kam ai kun?” Anhte a jw.org website hta dai ga san a mahtai hpe mu lu ai sumhpa ni nga ai. Dai hpe chye mayu yang, သမ္မာကျမ်းစာသွန်သင်ချက်များ>12 Na a jawng ma manang ni hpe jw.org hta shang yu na matu mung, tsun dan u. Hpunau Luka ndai hku galaw wa ai. Shi a jawng gawk hta, nawku htung law law a lam hpe tsun jahta ma ai. Jawng sharin laika buk hta, Yehowa Sakse ni hte seng nna tsun da ai ni gaw, n jaw nga ai hpe shi sadi hkrup ai. Dai majaw, dai lam ni shut nga ai hpe, gawk ting hpe sanglang dan lu na matu, shi hkrit tsang tim, sara hpe ahkang hpyi wa ai. Sara gaw, shi a makam masham hpe sanglang dan na matu ahkang jaw ai majaw, website hpe gawk na jawng ma yawng hpe lu madun wa ai. Dai majaw, sara gaw, jawng ma yawng hpe nta du yang, Dang Sha Hkrum Ai Hpe Lata N Lawm Ai Sha Hparan Ai Lam video yu na matu htet dat ai. Luka gaw jawng hta Yehowa hte seng ai lam hpe tsun dan lu ai majaw, grai kabu mat na hpe shingran yu u.
13. Anhte ni mayak mahkak hkrum tim hpa majaw asum n jaw ra ai kun?
13 Nang mayak mahkak ni hkrum nga yang 2 Timohti 4:2) Nauna Katarina dai hku galaw wa ai. Shi asak 17 hta, shi a bungli manang yawng hpe hkaw tsun na matu bandung jahkrat wa ai. Shanhte kaw nna marai langai gaw, shi hpe jahkring hkring n kaw n law di ai. Raitim, shi gaw shi a bandung hpe n malap kau ai. Shi a kaja ai akyang lailen hpe bungli manang re ai Han gaw ra sharawng mat ai. Dai majaw, anhte a laili laika ni hpe hti wa ai. Chyum Laika hkaja ai. Dai hpang hkalup hkam la ai. Katarina gaw kaga shara de htawt mat wa ai majaw, dai lam hpe n chye dat ai. Shaning 13 na ai hpang, shi gaw shi a nta masha ni hte rau, zuphpawng sa lung ai shaloi, shawa mungga htawn ai wa gaw, Han re ai hpe chye dat ai majaw grai mau mat ai. Shi a bungli manang ni hpe hkaw tsun na ngu ai shi a bandung hpe asum n jaw wa ai majaw shi grai kabu ai.
pyi, myit n daw ai sha, bandung ni de du hkra matut nna shakut nga u. (Nanhte A Bandung Hpe Hkum Malap
14, 15. (a) Masha ni gaw shanhte galaw ai zawn hkan galaw na matu tsun yang, nanhte hpa hpe myit dum ra ai kun? (b) Kaga ni nanhte hpe atik anang shadut wa ai shaloi, bandung hpe n malap na matu hpa galaw na kun?
14 Ndai sumhpa hta Yehowa ra sharawng ai hpe nanhte a prat hta, myit maju jung na matu hte wenyi bandung ni jahkrat na matu n-gun jaw hkrum wa sai. Nanhte hte asak bung ai mungkan na ramma law law gaw, pyaw hpa lam hpe sha, ra marin ma ai. Shanhte zawn galaw na matu, nanhte hpe mung saw shaga chye ai. Dai majaw, nanhte a bandung ni de du na matu, kade daram ahkyak ai hpe kaga ni mu hkra madun ra ai. Dai bandung ni hpe nanhte n malap kau na matu mung sadi ra ai. Sumhpa shawng hta tsun wa ai hte maren, nanhte gaw mawdaw daru hta du nga yang, mawdaw ntsa kaw dung nga ai masha ni pyaw nga ai majaw, gara mawdaw kaw raitim jawn mat na kun? Jawn na n re.
15 Dai majaw, masha ni gaw shanhte galaw ai zawn galaw na matu, nanhte hpe atik anang tsun yang, nanhte a bandung hpe n malap na matu hpa galaw na kun? Atik anang shadut wa yang, nyet kau na matu yak chye ai masa ni hpe koi u. (Ga Shagawp 22:3) Shut ai lam ni galaw ai majaw, lu la na hkra machyi ai lam ni hpe myit yu u. (Galati 6:7) Kaja ai hpaji jaw lam ra ai hpe shagrit shanem let hkap la u. Kanu kawa ni hte nawku hpung na mahkrum madup nga ai hpunau nauna ni tsun ai hpe madat u.—1 Petru 5:5, 6 hpe hti u.
16. Shagrit shanem ai myit nga na matu grai ahkyak ai hpe Hkristohpa a mahkrum madup gaw gara hku madun dan ai kun?
16 Kaja ai hpaji jaw ga hpe hkap la na matu, shagrit shanem ai myit gaw Hkristohpa hpe karum ya wa ai. Hkalup hkam nna kade n na shi yang, ginsup shaman ai ginsup dum de sa nna shi ginsup ai. Dai hta, kaga ramma ni gaw, shanhte a ginsup hpung hta lawm na matu saw shaga ai. Dai hte seng nna myitsu salang langai hpe shi tsun dan ai. Grai shingjawng ra wa na zawn re ai shoihpa nga ai lam nkau mi hpe myit yu na matu, myitsu salang gaw tsun dan ai. Raitim, Hkristohpa gaw ginsup hpung hta lawm na matu dawdan kau ai. Dai hpang kade n na yang, dai ginsup lam gaw grai dawsa nna shoihpa pyi nga ai hpe shi chye mat ai. Myitsu salang ni hpe shi bai tsun dan ai shaloi, shanhte gaw Chyum Laika hku nna shi hpe hpaji jaw ma ai. Hkristohpa ndai hku tsun ai: “Yehowa gaw ngai hpe hpaji jaw na matu, grai kaja ai hpaji jaw ai ni hpe shangun dat ai. Yehowa a ga hpe madat na matu aten la ra tim pyi, ngai madat wa ai.” Kaja ai hpaji jaw ga hpe hkap la na matu, nang hta shagrit shanem ai myit nga ai kun?
17, 18. (a) Dai ni aten hta, ramma ni hpe Yehowa hpa galaw shangun mayu ai kun? (b) Asak kaba wa ai shaloi, nanhte lata ai lam a majaw myit malai n lu hkra gara hku koi na kun? Mahkrum madup langai tsun dan u.
17 Chyum Laika hta ndai hku tsun da ai: ‘Shabrang [shing nrai, mahkawn] wa e, na a brang ram prat e kabu gara nga u; brang Hpaji 11:9) Ramma ni e, Yehowa gaw nanhte hpe ngwi pyaw shangun mayu ai. Ndai sumhpa hta, ngwi pyaw lu na lam langai gaw, wenyi bandung ni hpe myit maju jung nna, dawdan ai lam ni hte masing masa yawng hta, Yehowa a hpaji jaw ga hpe hkan sa ra na lam nanhte chye wa sai. Nanhte asak kaji ai shaloi, galaw wa ai lam ni a majaw, Yehowa nanhte hpe lam matsun ya ai, makawp maga ya ai, shaman chyeju jaw ai hpe kade n na yang tatut mu lu na re. Chyum Laika hta lawm ai Yehowa a hpaji jaw ga ni hpe myit yu u. Ndai hpaji jaw ga hpe hkan sa u: “Na a brang ram prat e, na a Hpan Wa Ningsang hpe mung a dum nga u.”—Hpaji 12:1.
ram aten e na a myit masin ngwi pyaw nga u.’ (18 Ramma ni gaw, grai lawan ai hku asak kung wa ai. Shanhte kaw nna law malawng gaw, asak kaji ai aten hta shut ai hku bandung ni jahkrat wa ai (sh) bandung ni n nga ai majaw, hpang e shanhte myit malai lu wa ai. Dai majaw, nanhte a wenyi bandung ni hpe matut nna myit maju jung yang, asak kaba wa ai shaloi, nanhte lata ai lam a majaw, ngwi pyaw wa na re. Nauna Mijina gaw dai zawn hkamsha wa ai. Ramma aten kaw, shi gaw ginsup lam hta grai ningtawn wa ai. Olampik ginsup poi hta pyi, shang lawm na matu saw shaga hkrum wa ai. Raitim, shi gaw Yehowa hpe aten hpring magam gun na matu lata wa ai. Shaning 30 jan na wa tim pyi, shi a madu wa hte arau, aten hpring magam hta shang lawm nga dingyang re. Masha ni ra sharawng ai lam ni re ai mying gumhkawng ai lam, shagrau hkrum ai lam, ahkang aya hte lusu ai lam ni gaw, jet ai ngwi pyaw lam galoi mung n lu jaw ai ngu shi tsun wa ai. Yehowa a magam gun na matu hte Yehowa a lam chye wa na matu masha ni hpe karum ya ai gaw, kaja htum bandung ni re nga nna mung shi tsun ai.
19. Asak kaji ai shaloi wenyi bandung ni hpe myit maju jung ai gaw hpa majaw kaja ai kun?
19 Ramma ni e, yakhkak ai lam ni hpe nanhte hkrum nga tim, Yehowa a magam gun ai hta myit maju jung nga ai majaw, nanhte gaw teng sha shakawn hkrum ging ai. Nanhte gaw, wenyi bandung ni hpe jahkrat nna, hkaw tsun bungli gaw nanhte a prat hta ahkyak htum lam hku nna mu mada ai. Mungkan a majaw nanhte a bandung ni hpe malap kau na ahkang n jaw wa ai. Nanhte shakut ai lam gaw, majoi byin mat na n re ai hpe kam mai ai. Nanhte hpe tsawra nna madi shadaw ya mayu ai hpunau nauna ni mung, nanhte makau hta nga ai. Dai majaw, “na a amu bungli Yehowa hpe ap da u; Shing rai yang, nang myit ai hku grin wa na ra ai.”