Yehowa Sakse ni a laili laika ni hpe kaga social media hte kaga website ni de bai shabra na matu hpa majaw kadai hpe mung ahkang n jaw ai kun?

Anhte a laili laika ni hpe manu jahpu n la ai sha shabra nga ai majaw, kaga social media hte kaga website ni de bai shabra ai gaw, hpa n ra ai ngu nna masha nkau mi shadu ma ai. Raitim, ndai lam gaw manghkang kaba byin chye nna anhte a website a Hkan Sa Ra Ai Lam Ni * hpe mung n hkan sa ai baw byin mat chye ai. Ndai Hkan Sa Ra Ai Lam hta, kadai mung, “website kaw mara da ai ni hpe Internet kaw (kaga website, file ni hpe shabra ya ai site, social network langai ngai ntsa) n mai mara ai” ngu nna tsun da ai. Ndai zawn tara ni hpa majaw ra ai kun?

Anhte a website yawng gaw tara shang website re. Tara upadi hte makawp maga da ai lachyum re. Website hpe shut ai hku n jailang na matu, dai gaw karum ya ai majaw grai ahkyak ai. Makam masham htak mat ai ni hte anhte hpe ninghkap ai ni gaw, shanhte a website hta anhte a laili laika ni hpe mara nna, Yehowa Sakse ni hte kaga ni a myit maju jung ai lam lu na matu shakut ai. Shanhte a website ni hta mara da ai lam ni gaw masha ni hpe ntsen ai myit nga wa shangun ai. (Shakawn 26:4; Ga Shagawp 22:5) Kaga ni gaw anhte shapraw da ai lam ni hte jw.org dazik hpe ndau shana ai lam ni, phone app ni hte arai dut ai hta jailang nga ai. Anhte shapraw da ai lam ni hte jw.org dazik gaw tara shang re ai majaw, dai zawn jailang nga ai ni hpe jahkring kau na matu tara upadi hte maren pat shingdang na re. (Ga Shagawp 27:12) Lama na, anhte a laili laika ni hpe kaga website hta mara na matu, arai dut ai lam hta anhte a jw.org dazik hpe lang na matu hpunau nauna ni hpe ahkang jaw ai nga yang, tara rung gaw anhte hpe karum ya sana n re.

Anhte a laili laika ni hpe jw.org kaw nna n re ai sha, kaga website kaw nna download galaw na nga yang, shoihpa nga ai. Yehowa gaw wenyi nshat hpe “sadi ai hte myit su ai mayam” kaw nna sha jaw ai. (Mahte 24:45) Dai “mayam” gaw wenyi nshat ni hpe www.pr418.com, tv.pr418.com hte wol.pr418.com ni re ai tara shang website ni kaw nna sha jaw ai. Phone, tablet ni a matu JW Language^®, JW Library^® hte JW Library Sign Language^® ngu ai tara shang application masum sha nga ai. Dai website ni hte application ni hta, Satan mungkan a ndau shabra ai lam ni hte kaga gara lam mung mu lu na n re. Anhte a laili laika ni hpe kaga website (sh) application ni kaw nna la na nga yang, shanhte gaw galai shai ai lam ni galaw da chye ai majaw shoihpa nga ai.​—⁠Shakawn 18:26; 19:8.

Dai hta n-ga, masha ni comment mai ka ai website ni hta anhte a laili laika ni hpe mara na nga yang, makam masham htak mat ai ni hte Yehowa a uhpung hpe mara tam ai ni hpe ahkaw ahkang jaw ai hte bung mat na re. Hpunau nkau mi gaw dai masha ni hte dang rang hkat nna, Yehowa hpe n shagrau ai baw byin mat chye ai. Internet hta dai zawn bawng ban ai gaw teng man ai lam hpe sharin ya na matu hte masha langai a myit mang ai lam hpe sharai ya na matu nau n htap htuk ai. (1 Timohti 6:3-5; 2 Timohti 2:23-25) Uhpung uhpawng (sh) Uphkang hpung shang hpunau zawn zawn amying hkam nna website hte social media account ni hpaw da ai masha ni nga ai. Dai ni gaw masu ai sha re. Uphkang hpung shang hpunau kadai mung tinang a amying hte webpage ni, social media account ni hpaw da ai lam tsep kawp n nga ai.

Masha ni hpe jw.org website matsun ya ai gaw, “mungdan kabu gara shi ga” hkaw tsun ai hpe madi shadaw ai re. (Mahte 24:14) Anhte a website hte application ni gaw grau grau kaja nga sai. Masha yawng hpe dai kaw nna akyu lu shangun mayu ai. Anhte a website de du ai link hpe kaga ni hpe sa ya ai (sh) laili laika langai ngai hpe e-mail hte sa ya ai hku nna gaw galaw mai ai. Dai lam ni hku nna sha, “sadi ai hte myit su ai mayam” kaw nna Yehowa lajang ya ai wenyi nshat hpe masha ni lu la hkra anhte karum ya nga ai re.