Yehowa gaw, matsan dum ai sha n-ga, matsan dum myit madun ai lam hte seng nna bawngban da ai “Shada Da Lanu Lahku Ra Ai” video hpe Nyu Zilan mungdan kaw na nauna langai yu ai. (Esa 63:7-9) Kaga ni hpe tatut karum ya ai hku nna, chye wa ai hte maren hkan sa na matu dawdan kau ai. Dai shani hta, gat seng kaw arai sa mari let, nta n nga ai num langai hpe mu ai shaloi, lama ma mari jaw mayu ai ngu shi hpe sa tsun ai. Dai num hkap la ai. Dai shaloi, shahpa mari ya nna, Yakhkak Jamjau Ai Lam Ni Htum Mat Na Kun? ngu ai garan laika hte kadun dawk sakse hkam dat ai.

Dai num hkrap mat ai. Shi naw kaji ai shaloi sakse hkam re. Raitim, tengman lam kaw na pru mat ai shaning grai na sai. Karai Kasang hpang de bai wa mayu ai majaw karum ya rit ngu, ya hte sha akyu hpyi nga ai. Shi hpe nauna Chyum Laika jaw dat ai. Chyum Laika sharin ya na matu lajang dat ai. a

Yehowa a matsan dum myit hpe kasi la nna, jinghku ni, nawku hpung na hpunau nauna ni hte hpawn, masha yawng hpe anhte matsan dum myit madun mai ai. Yehowa a lam sakse hkam na matu ahkaw hkawng tam ai hku nna madun mai ai.