Ndai shaning laman shapraw ai Sin Langchyi ni hpe nang atsawm hti wa ai kun? Lawu na ga san ni hpe lu htai ai kun? ngu ai hpe chyam yu u:

Namman chya hkam ai ni hpe gara hku kanawn mazum ging ai kun?

Shanhte a makam masham hpe anhte kasi la ai. Raitim, ladu lai n shagrau ai. Shanhte a atsam ningja ni hpe ladu lai ra sharawng ai hpe koi ai. (Yud 16) Shanhte a myit mada ai lam hte seng ai ga san ni hpe mung n san ai.​—w20.01, p. 29.

Nang hpe Yehowa sadi hkrup ai hpe gara lam ni gaw kam shangun ai kun?

Nang hpe n shangai shi ai shaloi kaw nna nang hpe Yehowa chye ai. Na akyu hpyi ga ni hpe madat ya ai. Na a myit masin hte nang myit mang ai lam ni hpe Yehowa chye ai. Nang galaw ai lam gaw Yehowa hpe shapyaw ya lu ai zawn, yawn hkyen lam mung byin shangun chye ai. (1 Hl 28:9; Gsh 27:11) Yehowa gaw nang hpe shi hpang de lau la ai.​—w20.02, p. 12.

Gara aten hta ga shaga ra nna gara aten hta atsin sha nga ra ai kun?

Yehowa a lam hpe kabu gara let tsun dan ai. Marai langai shut ai lam hta hkawm na hkyen ai hpe chye yang, sadi jaw ai. Myitsu salang ni gaw ra wa yang hpaji jaw nna shading sharai ya ai. Hkum pat da ai mungdan a magam bungli galaw ai lam hte seng nna anhte n tsun ai. N san ai. Ip da ra na lam ni hpe n tsun shapraw ai.​—w20.03, pp. 20-21.

Yoela daw kaba 2 hta lawm ai dinggam-yaw hte Shingran daw kaba 9 hta lawm ai dinggam-yaw hpa shai ai kun?

Yoela 2:20-29 hta Karai Kasang gaw dinggam-yaw ni hpe gawt kau nna shanhte a majaw htenza mat ai ni hpe bai wa ya na ngu ga sadi jaw ai. Dai hpang chyoi pra ai wenyi ru jaw ai. Israela mung hpe Babelon ni shang gasat ai aten hte dai hpang hta mung dai lam ni hpring tsup wa ai. Shingran 9:1-11 hta dinggam-yaw ni hte bung ai namman chya hkam ai ni a lam tsun da ai. Shanhte gaw ndai nhkru ai mungkan hte seng ai Karai a tara jeyang ai lam hpe ndau shana nga ai. Dai shiga gaw mungkan hpe madi shadaw ya nga ai ni hpe myit shanut ya ai.​—w20.04, pp. 3-6.

Dai ni aten na dingdung hkawhkam gaw kadai kun?

Rasha hte jinghku mungdan ni re. Shanhte gaw Karai a masha ni hte ding tawk matut mahkai nga ai. Hkaw tsun magam hpe pat shingdang ai. Sakse hkam ni hpe n ju n dawng ai. Dingda hkawhkam hte mung shing jawng gasat hkat ai.​—w20.05, p. 13.

Galati 5:22, 23 hta lawm ai atsam ningja ni sha “wenyi a asi” rai kun?

N re. Ding hpring ai zawn re ai kaja ai kaga atsam ningja ni nga na matu mung chyoi pra ai wenyi gaw karum ya ai. (Ehp 5:8-10)​—w20.06, p. 17.

Intanet hta nang lama ma mara ai a shoihpa langai gaw hpa rai?

Tinang mara dat ai lam a majaw, tinang hpe shakawng chye ai wa, shagrit shanem lam n nga ai wa ngu nna kaga ni mu mat chye ai.​—w20.07, pp. 6-7.

Nga hkwi ram ai ni kaw nna Hkristan ni hpa sharin la lu ai kun?

Nga hkwi ai ni gaw nga law law lu na shara hte aten hta hkwi ma ai. Htap htuk ai hkingrai ni hpe chye lang hkra shaman da ai. Masa ni galai shai ai laman hta nden marai hte galaw ai. Anhte mung hkaw tsun bungli hta dai zawn galaw mai ai.​—w20.09, p. 5.

Yehowa hpe tsawra ai myit rawt jat wa na matu Chyum ga sharin ni hpe karum ya lu ai lam nkau gaw hpa ni rai kun?

Chyum Laika hpe shani shagu hti na matu, myit sawn sumru na matu n-gun jaw mai ai. Akyu chye hpyi hkra mung sharin ya mai ai.​—w20.11, p. 4.

“Yawng mayawng gaw Hkristu hta e bai hkrung wa na ma ra ai” ngu ai hta kadai ni lawm ai kun?​—1 Ko 15:22.

Masha yawng hkrung rawt wa na ngu kasa Pawlu tsun nga ai n re. ‘Hkristu Yesu hta e shachyoi shapra hkrum’ ai namman chya hkam ai Hkristan ni hpe tsun ai re. (1 Ko 1:2; 15:18)​—w20.12, pp. 5-6.

Namman chya hkam ai ni gaw ‘hpang chyahtum na pahtau ngoi wu ai shaloi, myi grip mi hta’ galai shai mat ai hpang hpa galaw na kun?​—1 Ko 15:51-53.

Shanhte gaw Hkristu hte arau masha ni hpe hpri sumdoi hte uphkang na re. (Shr 2:26, 27)​—w20.12, pp. 12-13.