Ndai shaning laman shapraw ai Sin Langchyi ni hpe nang atsawm hti wa ai kun? Lawu na ga san ni hpe lu htai ai kun? ngu ai hpe chyam yu u:

Yehowa gaw “n-gaw n wai ai myit hte tsawra” ai, “matsan dum myit” nga ai ngu ai Yaku 5:11 gaw, gara lam hpe kam shangun ai kun?

Yehowa gaw matsan dum myit nga ai majaw, anhte a mara ni hpe raw ya ai. Tsawra myit hte karum ya ai ngu Yaku 5:11 hta tsun da ai. Karai Kasang hpe anhte kasi la ging ai.​—w21.01, p. 21.

Baw lamang hpe Yehowa hpa majaw nnan hpang ya wa ai kun?

Tsawra myit nga ai majaw re. Dai lamang a majaw, Yehowa a dinghku gaw ngwi pyaw simsa nna, atsawm hkrak byin nga ai. Dai lamang hpe hkan sa ai nta masha shagu gaw, dawdan lam hpe kadai jahkrat na? Dai dawdan lam hte maren, kadai woi awn na hpe chye ma ai.​—w21.02, p. 3.

Laika sa ai electronic app ni lang ai shaloi, Hkristan ni hpa majaw sadi ging ai kun?

Dai zawn electronic app ni lang ai shaloi, manaw manang ni hpe sadi nna lata ra ai. Masha law magang, sadi na matu yak magang re. (1 Tm 5:13) N jaw ai shiga ni shabra hkrup chye ai shoihpa ni, hpunau nauna shada matut mahkai ai hpe hpaga bungli a matu jailang hkrup chye ai shoihpa ni mung nga ai.​—w21.03, p. 31.

Yesu nni nkri hkrum nna si na hpe Yehowa ahkang jaw ai lam nkau gaw hpa rai kun?

Langai, Yesu hpun shadaw hta dai hku jen da hkrum ai gaw, dagam hkrum ai kaw nna Yuda masha ni lawt lu na matu re. (Gal 3:10, 13) Lahkawng, hkinjawng agyi hku nna byin wa na htawm hpang lit a matu shaman shakyang ya nga ai re. Masum, Yesu sadi dung let si ai gaw, shinggyim masha ni gaw laja lana chyam dinglik hkrum ai shaloi, Yehowa hpe matut sadi dung lu ai hpe sakse madun ya ai majaw re. (Yob 1:9-11)​—w21.04, pp. 16-17.

Hkaw tsun bungli hta masha ni hte hkrum na matu yak ai nga yang hpa galaw mai ai kun?

Nta kaw masha nga chye ai aten sa na matu shakut mai ai. Hkaw tsun ai shara galai shai mai ai. Laika ka ai zawn re ai ladat hpe galai shai mai ai.​—w21.05, pp. 15-16.

“Jep ai tara a gawp e ngai si nga nngai” ngu kasa Pawlu tsun ai shaloi, hpa hpe tsun mayu ai rai kun? (Gal 2:19)

Jep ai tara gaw, shinggyim masha ni n hkum tsup ai hpe dan dawng shangun nna, Israela ni hpe Hkristu hpang de lam matsun ya ai. (Gal 3:19, 24) Jep ai tara a majaw sha, Hkristu hpe Pawlu kamsham wa ai re. Dai lam hku nna Pawlu gaw, ‘jep ai tara a gawp e si’ mat wa ai. Jep ai tara a hkang ai npu hta n nga sai.​—w21.06, p. 31.

Hkam sharang ai lam madun ai hta Yehowa gara hku kasi madun wa ai kun?

Yehowa gaw, mying ningsang jahpoi asawng hkrum ai, awmdawm ahkang ninghkap hkrum ai, kasha nkau mi a ninghkap hkrum ai, Satan Nat a masu magaw ai lam ni, mayam ni yakhkak hkrum ai, si mat ai manang ni hte hka bra ra ai, nhkru ai masha ni a majaw, shinggyim masha ni adip arip hkrum ai, hpan da ai lam ni jahten shaza hkrum nga ai hpe hkam sharang nga ra ai.​—w21.07, pp. 9-12.

Myit galu ai hte seng nna Yosep gara kasi kaja madun wa ai kun?

Yosep gaw kahpu ni a n tara ai hku kanawn mazum hkrum wa ai. N tara ai hku mara shagun hkrum nna, Egutu mung hta shaning law law htawng hkrat wa ai.​—w21.08, p. 12.

Hagi 2:6-9, 20-22 hta gara ga shadawn ashun ai lam hpe tau hkrau tsun da ai kun?

Mungdan shiga hkaw tsun ai hpe masha ni n hkap la ai. Masha law law gaw hkap la ai. Kade n na yang, amyu masha ni jahten hkrum ai aten hta hpang jahtum lang ashun hkrum na re.​—w21.09, pp. 15-19.

Hkaw tsun bungli hta hpa majaw asum n jaw ging ai kun?

Anhte a shakut shaja ai lam hpe Yehowa mu nna, ra sharawng ai. Anhte asum n jaw ai nga yang, htani htana asak lu na re.​—w21.10, pp. 25-26.

“Arawn alai shagu hta chyoi pra nga mu” ngu ai hpaji jaw ga hpe hkan sa na matu Jaw Jau daw kaba 19 gaw gara hku karum ya ai kun? (1 Pe 1:15)

Dai daw kaji gaw, Jaw Jau 19:2 hpe lakap da ai rai na re. Shani shagu na prat hkrun lam hta 1 Petru 1:15 hpe hkan sa mai ai ga shadawn law law hpe daw kaba 19 hta madun da ai.​—w21.12, pp. 3-4.