Jahpawt shagu prat labau langai hti ai yan la ndai hku tsun ai: “Dai sumhpa ni gaw, n-gun lu shangun ai. Ngwi pyaw shangun ai. Gara masa hta raitim, tinang mung sadi dung lu ai hpe dum shangun ai.” Nauna langai mung ndai hku tsun ai: “Dai sumhpa ni gaw, shalan shabran lam jaw ai, shadut ya ai. Myit hpe hkra ya ai. Dai hpunau nauna ni a prat gaw, yaw shada lam hte lachyum nga ai. Shanhte a kasi ningli gaw, hkaw tsun magam hta grau shang lawm wa hkra, Yehowa a matu aten hpring magam hta shang lawm wa hkra, kasha ni hpe mung n-gun jaw lu hkra karum ya ai.”

Lachyum nga ai bandung ni jahkrat na matu, gawng kya ai lam ni hpe tawt lai na matu, grai sawng ai mayak mahkak ni hpe kabu gara let, sari rawng let hkam jan lu na matu, prat labau ni gaw nang hpe shadut ya lu ai. Dai sumhpa ni hpe gara kaw tam mu na kun?

• Sin Langchyi Laika Dum hte Sin Langchyi ONLINE LAIKA DUM (sh) jw.org hta lawm ai “prat labau ni” ngu nna tam yu u.