SIN LANGCHYI—HKAJA LAIKA June 2020
Ndai laika buk hta 2020, August 3-30 laman, hkaja na sumhpa ni lawm ai.
“Na A Amying Nsang Chyoi Pra Nga Lit Ga”
2020, August 3-9 laman, Hkaja na sumhpa 23. Shinggyim masha ni hte lamu kasa ni a matu, gara lam gaw ahkyak ai kun? Hpa majaw kun? Anhte hte gara hku seng ai? Mahtai hpe chye ai gaw Yehowa hte hku hkau lam ngang kang shangun ai.
Mying Ningsang Hpe Hkrit Hkungga Lu Hkra Myit Hpe Shadut Ya E
2020, August 10-16 laman, Hkaja na sumhpa 24. Ndai sumhpa hta, Shakawn 86:11, 12 hta lawm ai Hkawhkam Dawi a akyu hpyi ga hpe hkaja lu na re. Yehowa a amying hpe hkrit hkungga ai a lachyum gaw hpa rai kun? Hpa majaw hkrit hkungga ging ai kun? Chyam dinglik ai lam ni hpe ninghkap ai shaloi, Karai Kasang hpe hkrit hkungga ai gaw anhte hpe gara hku makawp maga ya na kun?
Laika Hti Ai Ni Hpang De Na Ga San
Galati 5:22, 23 hta lawm ai atsam ningja ni sha “wenyi a asi” rai kun?
Nye A Sagu Ni Hpe Ngai Nan Hkan Tam Na
2020, August 17-23 laman, Hkaja na sumhpa 25. Yehowa hpe shaning na na nawku wa ai nkau gaw, nawku hpung hte hpa majaw tsan mat ai kun? Shanhte hte seng nna Karai gara hku hkamsha ai kun? Ndai sumhpa hta mahtai hpe chye lu na re. Yehowa hte chyahkring mi tsan mat wa ai Chyum Laika prat na masha ni hpe shi gara hku karum ya wa ai lam hkaja lu na re.
“Ngai Hpang De Nhtang Wa Ma Rit”
2020, August 24-30 laman, Hkaja na sumhpa 26. Yehowa gaw nawku hpung hte tsan mat wa ai ni hpe bai wa shangun mayu ai. “Ngai hpang de nhtang wa ma rit” ngu Yehowa saw shaga nga ai. Dai hpe hkap la mayu ai ni hpe n-gun jaw lu ai lam law law nga ai. Ndai sumhpa hta gara hku karum ya lu ai lam hkaja lu na re.
