Hkaja Na Sumhpa 35
Yehowa Gaw Shagrit Shanem Ai Shi A Mayam Ni Hpe Manu Shadan
“Yehowa gaw . . . shagrit shanem ai ni hpe mada yu nga ai.”—SHK 138:6, NW.
Mahkawn 48 Yehowa Hte Shani Shagu Hkawm Sa Ga
Sumhpa Hta Lawm Ai Lam *
1. Shagrit shanem ai ni hte seng nna Yehowa gara hku hkamsha ai kun? Sanglang dan u.
SHAGRIT shanem ai ni hpe Yehowa tsawra ai. Teng sha shagrit shanem ai ni sha, shi hte kaja ai hku hkau lam nga lu ai. Raitim, “Gumrawng ai ni hte chyawm gaw, shi tsan tsan nga ai.” (Shk 138:6, NW) Anhte yawng gaw Yehowa hpe myit shapyaw ya mayu nna, shi a tsawra myit hkam la mayu ga ai. Dai majaw, shagrit shanem ai myit hpe shalat la ra ai.
2. Ndai sumhpa hta hpa lam hkaja na kun?
2 Ndai sumhpa hta, lawu na ga san masum a mahtai ni hpe hkaja mat na re: (1) Shagrit shanem ai myit ngu ai gaw hpa rai kun? (2) Hpa majaw dai hpe shalat la ra ai kun? (3) Gara masa ni gaw shagrit shanem ai myit hpe chyam dinglik chye ai kun? Shagrit shanem ai myit hpe shalat la yang, Yehowa a myit shapyaw ya lu nna, anhte nan mung akyu lu la na re.—Gsh 27:11; Esa 48:17.
Shagrit Shanem Ai Myit Ngu Ai Gaw Hpa Rai Kun?
3. Shagrit shanem ai myit ngu ai gaw hpa rai kun?
3 Shagrit shanem ai wa gaw kaga ni hta shi grau ahkyak ai ngu n myit la ai. Gumrawng ai myit mung n nga ai. Shagrit shanem ai wa gaw Yehowa Karai Kasang, hpunau nauna ni hte shi a hku hkau lam hpe rap ra ai hku mu mada ai nga nna Chyum Laika hta tsun da ai. Kaga ni gaw tinang hta na grau ai ngu hkap la ai.—Hpl 2:3, 4.
4-5. Marai langai gaw shagrit shanem ai zawn raitim hpa majaw teng sha shagrit shanem ai ngu n lu tsun ai kun?
4 Masha nkau mi gaw shagrit shanem ai zawn raitim teng sha nga yang n re. Shanhte gaw kaya chye ai she re. Shing nrai, shanhte a htunghking hte nga kaba wa ai makau grup-yin a majaw, si mani ai hte hkungga ai lam madun ai re. Teng sha nga Luk 6:45.
yang, shanhte grai gumrawng ma ai. Kade n na yang, shanhte gaw kaning re ai wa re ai hpe masha ni chye wa ai.—5 Maga mi hta gaw, tinang hkum tinang kam ai myit hte dan dan leng leng tsun chye ai masha ni gaw gumrawng na re ngu nna mung n mai sawn la ai. (Yhn 1:46, 47) Raitim, dai zawn akyang nga ai masha ni gaw shanhte a atsam ningja ni hpe n kamhpa na matu sadi ra ai. N rai yang gumrawng wa chye ai. Gara lailen mi nga tim, anhte yawng gaw shagrit shanem ai myit rawt jat hkra shakut ra ai.
Kasa Pawlu hta shagrit shanem ai ningmu nga (Laika pang 6 hpe yu u) *
6. 1 Korinhtu 15:10 kaw lawm ai kasa Pawlu a kasi ningli kaw nna anhte hpa sharin la lu ai kun?
6 Kasa Pawlu a kasi ningli hpe myit yu ga. Mare langai hpang langai hta, nawku hpung nnan ni hpawng de na matu Yehowa gaw shi hpe akyu jashawn wa ai. Shi gaw Yesu Hkristu a sape ni hta grau nna pyi, mare law law hta hkaw tsun wa ai. Raitim, Pawlu gaw hpunau ni hta na shi gaw grau ahkyak ai wa re ngu n sawn la ai. Shagrit shanem let ndai hku yin la ai: “Kasa ni hta kaji htum ai wa ngai rai nga nngai; Karai Kasang a Hpung hpe zingri zingrat nngai majaw, kasa ngu na pyi ngai n ging n dan nngai.” (1 Ko 15:9) Pawlu gaw shi a atsam ningja, bungli a majaw Yehowa hte kaja ai hku hkau lam nga ai n re ai sha, Karai Kasang a tsawra myit a majaw re ngu jaw ai hku sawn la wa ai. (1 Korinhtu 15:10 hpe hti u.) Pawlu gaw shagrit shanem lam nga ai hpe Korinhtu ni hpang shagun dat ai laika hta mu lu ai. Dai nawku hpung kaw nna nkau mi gaw shi hpe mara tam nga tim pyi, matut nna shagrit shanem ai myit madun wa ai.—2 Ko 10:10.
Uphkang Hpung shang hku nna magam gun wa ai shagrit shanem ai hpunau Karl F. Klein (Laika pang 7 hpe yu u)
7. Mying gumhkawng ai hpunau nkau mi gaw shagrit shanem ai myit nga ai hpe gara hku madun ai kun? Ga shadawn tsun dan u.
7 Uphkang Hpung Shang hku nna magam gun wa ai Hpunau Karl F. Klein a prat labau kaw nna Yehowa a masha law law n-gun lu la ma ai. Shi a prat labau hta, shaning ni grai law hkra ninghkap ra ai chyam dinglik ai lam ni nga *
ai hpe shagrit shanem let yin la wa ai. Ga shadawn, 1922 daram hta nta langai hpang langai sa nna hkaw tsun na matu grai yak ai ngu shi hkamsha ai. Shawng nnan hkaw tsun ngut ai hpang, lahkawng ning daram shi bai n sa mat sai. Hpang de, Behtela hta magam gun nga ai laman, hpunau langai shi hpe sharin shaga ai majaw, dai hpunau hpe aten ladaw mi daram masin pawt wa ai. Shi grai myit daw myit hten wa ai. Raitim, angwi ngwi hkyemsa wa ai. Ahkyak ai magam bungli ni hpe mung galaw ngut kre wa ai. Mying gumhkawng ai hpunau gaw shi a gawng kya ai lam hpe yin la ai majaw, shi hta shagrit shanem ai myit nga ai hpe chye lu ai. Hpunau nauna law law gaw hpunau Klein a prat labau hpe grai ra sharawng ma ai.Hpa Majaw Shagrit Shanem Ai Myit Hpe Shalat La Ra Ai Kun?
8. Shagrit shanem ai myit gaw Yehowa hpe myit shapyaw ya lu ai lam chye na na matu 1 Petru 5:6 gaw gara hku karum ya ai kun?
8 Shagrit shanem ai myit hpe Yehowa ra sharawng ai majaw dai hpe shalat la na matu grai ahkyak ai. Kasa Petru mung dai hte seng nna asan sha tsun dan ai. (1 Petru 5:6 hpe hti u.) Ngai Kaw Mung Sa Hkan Nang Rit ngu ai laika buk hta Petru a ga ni hpe ndai hku tsun da ai: “Gumrawng ai myit gaw agung hte bung nna, grai shoihpa nga ai. Dai myit jasat gaw atsam ningja grai nga ai wa hpe Karai Kasang a matu akyu n nga ai wa byin shangun chye ai. Shagrit shanem ai atsam gaw a-nya ai wa hpe pyi Yehowa a matu akyu rawng ai wa byin shangun lu ai. . . . Karai Kasang gaw, na a shagrit shanem ai myit hpe shaman chyeju jaw na re.” * Anhte galaw lu ai kaja htum lam gaw Yehowa a myit shapyaw ya ai lam re.—Gsh 23:15.
9. Anhte shagrit shanem ai myit nga yang anhte hpang de masha ni hpa majaw sit sa mayu wa na kun?
9 Yehowa hpe myit shapyaw ya ai sha n-ga, shagrit shanem ai myit hpe shalat la na nga yang, anhte mung akyu law law hkam la lu na re. Shagrit shanem ai myit gaw masha ni anhte hpang de sit sa na matu karum ya lu ai. Dai hpe chye na na matu, nang gaw kaning re ai masha ni hte kanawn mayu ai hpe myit yu u. (Mat 7:12) Tinang ra ai hpe atik anang hkan galaw shangun mayu ai masha ni, kaga ni a hpaji jaw ga hpe n hkap la mayu ai masha ni hte anhte hkrum chye ai. Raitim, “shada da shinggyim nau na zawn tsaw ra ai hte shada da matsan dum nna shagrit shanem hkat” ai hpunau nauna ni hte anhte hkrum ai shaloi hta ngwi pyaw ai lam lu la ai. (1 Pe 3:8, JCLB) Shagrit shanem ai masha ni hte kanawn yang anhte pyaw ai zawn, anhte shagrit shanem yang mung kaga ni pyaw na re.
10. Shagrit shanem ai myit gaw anhte a prat hpe gara hku shabyin ya lu ai kun?
Hpj 10:7) Kalang lang atsam grai rawng ai masha ni gaw shakawn n hkrum ma ai. Atsam nau n nga ai ni chyawm gaw grai shakawn hkrum nga ai. N kaja ai mabyin masa ni hpe tau hkrau myit tsang nga na malai, ya byin nga ai masa hpe hkap la ai gaw anhte a matu hpaji rawng ai lam re ngu Shawlumon yin la ai. (Hpj 6:9) Anhte shagrit shanem na nga yang, n ra sharawng ai lam ni prat hta byin wa ai shaloi, dai hpe hkap la na matu grau loi wa na re.
10 Shagrit shanem ai myit gaw anhte a prat hpe grau kaja hkra karum ya ai. Kalang lang, n tara ai lam (sh) n jaw ai lam ni hte anhte hkrum chye ai. Hpaji rawng ai Hkawhkam Shawlumon ndai hku tsun ai: “Mayam ni gaw gumra jawn, du ni gaw mayam zawn lagaw hte hkawm nga ma ai, ngai mu nngai.” (Gara Masa Lam Ni Gaw Matut Shagrit Shanem Na Matu Yak Chye Ai Kun?
Ndai masa hta shagrit shanem na matu hpa majaw yak chye ai kun? (Laika pang 11-12 hpe yu u) *
11. Sharin shaga hkrum ai shaloi anhte hpa galaw ging ai kun?
11 Shani shagu shagrit shanem ai myit madun na matu anhte hta ahkaw ahkang nga ai. Byin chye ai masa nkau mi hpe yu yu ga. Sharin shaga hkrum ai shaloi. Anhte galaw dat ai lam gaw shadu da ai hta grau sawng mat ai hpe marai langai ngai gaw aten la nna sharin shaga ai nga yang shagrit shanem ra ai. Dai zawn aten hta, sharin shaga ai lam hpe kalang ta nyet kau mayu na re. Anhte hpe sharin shaga ai wa (sh) shi tsun ai ladat hpe mung mara tam chye ai. Raitim, anhte hta shagrit shanem ai myit nga yang, rap ra ai ningmu nga hkra shakut na re.
12. Ga Shagawp 27:5, 6 hku nga yang anhte hpe sharin shaga ai wa hpe hpa majaw chyeju dum ra ai kun? Ga shadawn tsun dan u.
12 Shagrit shanem ai wa gaw sharin shaga ai hpe chyeju dum na re. Ga shadawn, Hkristan zuphpawng langai hta nang nga taw ai ngu myit yu ga. Hpunau nauna law law hte ga shaga ngut ai hpang, marai langai gaw nang hpe kadai n nga ai shara de shaga sa nna, na a wa hta lama ma kap nga ai hpe tsun dan yang nang kaya mat na re. Raitim, tsun dan ai wa hpe nang chyeju dum na re. Marai langai ngai gaw jau jau kaw nna tsun dan yang kaja na wa ngu nna nang myit na re. Dai zawn sha, anhte hta ra ai lam nga ai majaw, hpunau (sh) nauna gaw anhte hpe sharin shaga ai shaloi shagrit shanem nna chyeju dum ra ai. Shi hpe hpyen hku nna n mu mada ai sha, jinghku hku nna mu mada ra ai.—Ga Shagawp 27:5, 6 hpe hti u; Gal 4:16.
Kaga ni laksan magam lit lu la ai shaloi hpa majaw shagrit shanem myit ra ai kun? (Laika pang 13-14 hpe yu u) *
13. Kaga ni laksan magam lit lu ai shaloi anhte hku nna shagrit shanem myit hpe gara hku madun lu na kun?
13 Marai langai magam lit lu la ai shaloi. Myitsu salang Jesan ndai hku tsun ai: “Kaga ni 1 Tm 3:1) Raitim, anhte a myit mang ai lam hpe gaw hkang ra ai. Anhte n sadi yang, anhte a myit hta gumrawng ai myit law wa chye ai. Ga shadawn, ndai lit hpe ngai sha lu galaw ai ngu nna Hkristan langai myit wa chye ai. Shing nrai, Hkristan ningrum ningtau jan mung, ‘nye madu wa gaw kaga ni hta grau atsam nga ai’ ngu nna myit chye ai. Raitim, anhte hta jet ai shagrit shanem myit nga yang, dai zawn myit ai hpe koi yen lu na re.
magam lit lu la ai hpe ngai mu ai shaloi, ngai hpe gaw hpa majaw n jaw ai kun? ngu nna kalang lang ngai myit ai.” Nang mung dai zawn hkamsha ga ai kun? Magam lit ni hpe grau nna galaw mayu ai myit gaw n shut ai. (14. Kaga ni laksan ahkaw ahkang lu ai shaloi Mawshe galaw wa ai lam kaw nna hpa sharin la lu ai kun?
14 Kaga ni laksan ahkaw ahkang lu ai shaloi, Mawshe galaw wa ai lam kaw nna anhte sharin la lu ai. Israela ni hpe woi awn ai lit hpe Mawshe manu shadan ai. Raitim, Mawshe galaw nga ai lit nkau mi hpe malai galaw ya na matu kaga ni hpe Yehowa atsam jaw ai shaloi, shi gara hku bai htang wa ai kun? Manawn ai myit n nga wa ai. (Bhk 11:24-29) Masha ni hpe tara jeyang na matu, kaga ni hpe shagrit shanem let lit garan jaw wa ai. (Pru 18:13-24) Dai majaw, Israela ni grau akyu lu la ai. Ndai mabyin hta, Mawshe gaw shi a magam lit hta na, kaga ni a akyu hpe shawng tawn wa ai. Anhte a matu grai kaja ai kasi ningli re. Anhte gaw Yehowa a matu teng sha akyu rawng mayu yang, shagrit shanem ai myit gaw anhte a atsam hta grau ahkyak ai hpe dum ra ai. “Yehowa gaw tsaw htum nga ti mung, shagrit shanem ai ni hpe mada yu nga ai.”—Shk 138:6, NW.
15. Hpunau nauna law law gaw gara masa lam nnan ni hte hkrum ma ai kun?
15 Masa lam nnan ni hkrum ai shaloi. Nau n na shi ai shaning ni hta, mahkrum madup law law nga ai hpunau nauna ni a lit gaw galai mat ai. Ga shadawn, 2014 hta, ginwang hpung kawan ni hte ningrum ningtau ni gaw kaga aten hpring magam gun na matu saw shaga hkrum ma ai. Dai shaning kaw nna, ninghtawn hpung
kawan ni gaw asak 70 du yang, shanhte a lit hpe matut n mai galaw sai. Asak 80 hte dai lahta nga ai hpunau ni gaw myitsu salang hpung a bawng jahkrup hpa-awn hku nna nawku hpung hta magam n mai gun sai. Dai sha n-ga, lai wa sai shaning ni hta, Behtela nta masha law law gaw, ningshawng ni hku nna lit lu la ma ai. Kaga ni chyawm gaw hkam kaja lam, dinghku a lit ni (sh) kaga masa ni a majaw aten hpring magam hpe matut n lu gun mat sai.16. Hpunau nauna ni gaw masa lam nnan hte maren shagrit shanem let galaw ai hpe gara hku madun ma ai kun?
16 Hpunau nauna ni gaw dai zawn galai shai ai lam hte maren hkan galaw na matu n loi ai. Shanhte gaw shaning ni grai na hkra galaw wa ai moi na lit hpe grai tsawra ma ai. Nkau mi gaw masa lam nnan hte maren galaw nga ma tim, yawn nga dingyang re. Aten ni na wa ai shaloi, shanhte galai shai lu wa ai. Hpa majaw kun? Yawng hta na Yehowa hpe tsawra ai majaw re. Shanhte gaw magam bungli, arawng aya (sh) lit langai hpe apnawng da ai n re ai sha, Karai Kasang kaw apnawng da ai hpe mung shanhte hkap la ai majaw re. (Kol 3:23, 24) Shanhte gaw gara bungli mi raitim, shagrit shanem let Yehowa hpe matut magam gun ai hta kabu gara nga ma ai. Yehowa lanu lahku na hpe shanhte chye ai majaw, “myit ru myit tsang ai nlang hte nan, shi a ntsa e kabai mara da” ma ai.—1 Pe 5:6, 7.
17. Shagrit shanem ai myit hpe shalat la na matu Chyum Laika hta n-gun jaw da ai gaw hpa majaw kabu hpa rai kun?
17 Shagrit shanem ai myit hpe shalat la na matu Karai A Mungga gaw anhte hpe n-gun jaw ai majaw grai chyeju dum ai n re i? Dai zawn grai tsawm ai atsam ningja hpe shalat la ai shaloi, anhte nan mung kaga ni mung akyu lu na re. Prat hta galai shai ai lam ni hte maren grau kaja hkra galaw lu na re. Grau nna gaw anhte a Karai Kasang Yehowa hte nihtep wa na re. Shi gaw “Matsaw Ntsang na Daru Magam rawng ai wa” raitim, shagrit shanem ai shi a mayam ni hpe tsawra nna, manu shadan ai majaw anhte grai kabu ga ai.—Esa 57:15.
Mahkawn 45 Nye A Myit Hta Sumru Ai Lam
^ စာပိုဒ်၊ 5 Anhte rawt jat ra na ahkyak htum atsam ningja gaw shagrit shanem ai myit re. Shagrit shanem ai myit ngu ai gaw hpa rai kun? Hpa majaw dai hpe shalat la ra ai kun? Masa lam ni galai shai mat ai shaloi matut shagrit shanem na matu hpa majaw yak chye ai kun? Ndai sumhpa hta ahkyak ai dai ga san ni hpe hkaja lu na re.
^ စာပိုဒ်၊ 7 1984, October 1 Sin Langchyi (E) hta lawm ai “Yehowa Ngai Hpe Chyeju Kaba Jaw Ai” ngu ai sumhpa hpe yu u.
^ စာပိုဒ်၊ 8 Daw 3, pang 23 hpe yu u.
^ စာပိုဒ်၊ 53 SUMLA HPE HTAI DAN AI LAM: Hpunau a nta hta, asak kaji ai ni hte hpawn kaga ni hte rau shagrit shanem let kasa Pawlu kanawn mazum nga.
^ စာပိုဒ်၊ 57 SUMLA HPE HTAI DAN AI LAM: Asak kaji ai hpunau a Chyum Laika hta madun tawn ai hpaji jaw ga hpe hpunau langai hkap la nga.
^ စာပိုဒ်၊ 59 SUMLA HPE HTAI DAN AI LAM: Nawku hpung hta asak kaji ai hpunau gaw laksan magam lit hpe gun hpai nga ai shaloi asak kaba ai hpunau gaw manawn ai myit n nga.