N tara ai lam hpe hkamjan wa ai hte seng nna Yosep a kasi ningli hpe hkaja lu na matu Ningpawt 37:23-28; 39:17-23 hpe hti u.

Lawu lahta ga ni hpe jep yu u. Yosep hpa majaw n tara ai hku kanawn mazum hkrum ai kun? (Nin 37:3-11; 39:1, 6-10) Kade na hkra n tara ai hku kanawn mazum hkrum ai kun? (Nin 37:2; 41:46) Dai laman Yehowa hpa galaw ya ai kun? Hpa n galaw ya ai kun?—Nin 39:2, 21; w23.01 17 ¶13.

Kahtap hkaja u. Hputihpa a madu jan n tara ai hku mara shagun ai shaloi, Yosep gaw tinang hkum tinang makawp maga wa ai ngu, Chyum Laika hta n tsun da ai. Ga Shagawp 20:2; Yawhan 21:25; Kasa 21:37 zawn re ai chyum daw ni hku nga yang, Yosep hpa majaw, hpa n tsun ai sha nga wa ai rai na kun? Shing nrai, ahkri ahkrai lam yawng hpe anhte hpa majaw n chye ra ai kun? Gara zawn atsam ningja ni nga ai majaw, n tara ai lam hpe Yosep hkamjan lu wa ai kun?—Mik 7:7; Luk 14:11; Yak 1:2, 3.

Sharin la u. Tinang hkum tinang ndai hku san u:

• ‘Yesu a hpang hkan ai majaw, gara zawn n tara ai lam hkrum chye ai kun? (Luk 21:12, 16, 17; Heb 10:33, 34)

• ‘N tara ai lam hpe hkamjan lu hkra, ya kaw nna gara hku shajin da lu ai kun?’ (Shk 62:7, 8; 105:17-19; w19.07 2-7)