Ma ni hpe Yehowa a lam sharin ya na lit gaw, kanu kawa ni a matu grai ahkyak ai. (Ehp 6:4) Kanu kawa ni karum shingtau lu na matu sumhpa ni, video ni, mahkawn ni hpe uhpung lajang da ya ai. Dai ni hpe gara hku akyu jashawn lu na kun?

• jw.org hpe lang u. JW.ORG hta ma ni a matu yaw shada da ai video ni, ka jahkrat mai, sumla soi mai ai laika man ni grai law hkra nga ai. a Tam ngu ai shara hta “Ma Ni” (sh) “Ramma Ni” ngu nna kayat bang u.

• Na a ma hte htap htuk ai hpe lata u. “Ma Ni” ngu ai daw hta, na a ma hte htap htuk ai video ni, mahkawn ni, tatut galaw yu mai ai daw ni hpe lata mai ai. “Dinghku Nawku A Matu Lamang Ni” ngu ai daw hpe mung yu mai ai.

• Na a ma hte rau aten jaw nna hkaja u. Ma n woi ra jang rai sai ngu myit nna, ma hpe hkrai video hkum yu shangun. Tatut galaw yu mai ai daw ni hpe hkum galaw shangun. Rau hkaja u. Yehowa hte kaja ai hku hkau lam nga wa hkra karum ya u.