Zuphpawng ni, zuphpawng kaba ni hta Yehowa hpe anhte uhpung nawng nawku ai zawn, langai hpra (sh) dinghku nawng mung nawku ma ai. Langai hpra (sh) dinghku nawng nawku ai shaloi, hpa ni hkaja mai ai kun? Hpaji jaw ga nkau hpe yu yu u:

• Nawku zuphpawng ni a matu shajin u. Mahkawn ni shaman u. Mahtai shajin na matu nta masha yawng hpe karum ya u.

• Chyum Laika labau langai hpe hti u. Labau langai kaw na mabyin langai hpe sumla soi u. Shing nrai, chye na wa ai lam langai ngai hpe ka da u.

• Chyum Laika hta lawm ai akyu hpyi ga langai hpe hti u. Dai akyu hpyi ga hpe kasi la nna, tinang a akyu hpyi ga grau rawt jat wa hkra, gara hku galaw mai ai lam myit yu u.

• Uhpung a video hpe yu u. Kaga ni hte bawngban u. Ra sharawng ai lam hpe ka da u.

• Hkaw tsun magam a matu shajin u. Shaman yu u.

• Hpan da lam ni hpe hkaja nna myit sawn sumru u. Yehowa a lam hpa sharin ya ai hpe myit yu u. a