Re ai. Koi yen n mai ai masa lam n nga ai sha, marai lahkawng sha nta langai kaw yup ai nga yang, hpye ai amu galaw ai ngu ai madi madun lam re. Koi yen n mai ai masa n rai yang gaw, tara komiti hpaw ra ai.​—⁠1 Korinhtu 6:18.

Tara komiti hpaw ging ai kun? ngu ai hte seng nna, myitsu salang hpung gaw masa lam langai hpra hpe atsawm dinglik yu ra ai. Ga shadawn, shan lahkawng gaw sumtsaw ni rai kun? Lai wa sai aten hta, shan lahkawng a nga sat nga sa hte seng nna, myitsu salang ni gaw hpaji jaw wa ai kun? Hpa majaw, shana ting shan lahkawng arau nga ai kun? Dai hku byin hkra dingsang galaw wa ai kun? Dai lam hpe koi yen mai ai masa lam ni nga wa ai kun? Shan n myit mada da ai lam ni (sh) asak shoihpa nga ai mabyin zawn re ai n lu hkang ai lam ni a majaw kun? (Hpaji 9:11) Gara shara kaw yup ai kun? Masa lam ni gaw langai hte langai tup hkrak bung na gaw n re. Dai majaw, myitsu salang ni atsawm dawdan lu hkra, myit yu ra na kaga lam ni mung nga na re.

Myitsu salang hpung gaw, masa lam yawng hpe bawng ban ngut ai hpang, tara komiti hpaw na, n hpaw na hpe dawdan na re.