“Teng Man Ai Hpe Mari La U, Hkum Dut Kau Et”
“Teng man ai hpe mari la u, hkum dut kau et; Hpaji byeng-ya, sharin achyin ai hte chye chyang ai hpe mung, mari la u.”—GA SHAGAWP 23:23.
Mahkawn: 94, 96
1, 2. (a) Na a prat hta manu dan dik htum gaw hpa rai kun? (b) Gara teng man lam ni hpe anhte manu shadan ai kun? Hpa majaw kun? (Sumhpa shawng na sumla hpe yu u.)
NA A PRAT hta manu dan dik htum gaw hpa rai kun? Yehowa a amyu masha ni a matu manu dan dik htum gaw, Yehowa hte hku hkau lam re. Dai hku hkau lam hpe hpa hte mung shanhte galai kau na n re. Chyum Laika kaw nna teng man lam hpe anhte manu shadan ga ai. Hpa majaw nga yang, Yehowa hte anhte hpe grau nna hku hkau wa hkra karum ya ai majaw re.—Kolose 1:9, 10.
2 Yehowa gaw, Chyum Laika hku nna anhte hpe manu dan ai teng man lam ni hpe sharin ya ai grau htum ai sara re. Shi a amying hte seng nna ahkyak ai lam hpe sharin ya nna, shi hta nga ai laklai ai atsam ningja ni hpe mung tsun dan ai. Anhte hpe grai tsawra ai majaw, shi a Kasha hpe anhte a matu jaw kau ai lam mung tsun dan ai. Meshia Mungdan hte seng nna mung tsun dan ai. Namman chya hkam ai ni hpe, sumsing lamu myit mada lam jaw da nna, “sagu kaga” ni hpe, mungkan Hparadisu hta nga lu Yawhan 10:16) Gara hku asak hkrung hkawm sa ra na hte seng nna mung, sharin ya ai. Dai teng man lam ni hpe anhte grai manu shadan ga ai. Hpa majaw nga yang, dai lam ni gaw anhte a Hpan Madu hte hku hkau shangun nna, prat hta mung yaw shada lam nga shangun ai.
na myit mada lam jaw da ai. (3. Teng man lam sharin la na matu Yehowa gumhpraw hpyi ai kun?
3 Yehowa gaw gam jaw gam ya ai Karai Kasang re. Anhte a matu Shi a kasha hpe jaw kau ai hpe yu yang, grai gam jaw gam ya kam ai hpe mu lu ai. Marai langai ngai gaw, teng man lam hpe tam nga ai nga yang, mu tam lu hkra shi karum ya ai. Teng man lam hpe sharin la na matu, gumhpraw galoi mung n hpyi ai. Simun ngu ai wa gaw, kaga masha ni hpe chyoi pra ai wenyi jaw lu ai ahkang lu la na matu, Petru kaw gumhpraw hte sa mari ai. Shi a myit mang ai lam shut ai hpe Petru sang lang dan ya nna ndai hku tsun ai: “Karai Kasang a kumhpa hpe gumhpraw hte lu la na re ai, nga nna myit ndai majaw, na a gumhpraw gaw nang hte rau hten bya mat u ga.” (Kasa 8:18-20) Rai yang, “teng man ai hpe mari la u” ngu ai lachyum gaw hpa rai kun?
Teng Man Lam Hpe “Mari La U” Ngu Ai Lachyum Gaw Hpa Rai Kun?
4. Ndai sumhpa hta, teng man lam hte seng nna hpa sharin la lu na kun?
4 Ga Shagawp 23:23 hpe hti u. Chyum Laika kaw nna teng man lam hpe sharin la na matu shakut shaja ra ai. Teng man lam a matu, sak jaw ra ai lam ni mung nga ai. Teng man lam hpe sharin la nna, “teng man ai hpe mari la” ngut ai hpang, dai hpe “dut kau” ai (sh) kabai kau ai baw n galaw na matu sadi ra ai. Chyum Laika teng man lam hpe gara hku “mari la” mai ai kun? Manu jahpu kade daram ma ai kun? Dai ga san ni a mahtai gaw, teng man lam hpe grau nna manu shadan na matu, galoi mung n kabai kau na matu karum ya mat na re. Yehowa kaw nna teng man lam gaw, kaga yawng mayawng hta grau nna manu dan ai hpe chye na wa na re.
5, 6. (a) Gumhpraw n jaw ra ai sha teng man lam hpe gara hku mari la lu na kun? Sang lang dan u. (b) Teng man lam gaw anhte hpe gara hku akyu jaw ai kun?
5 Manu jahpu n jaw ra ai ngu ai lachyum gaw, kaga hpa mung n jaw ra ai ngu tsun mayu ai n re. Ga Shagawp 23:23 hta lawm ai “mari la” ngu ai a madung Hebre ga si gaw, “lu la ai” ngu ai lachyum mung re. Dai ga si lahkawng yan gaw, manu dan ai lama ma hpe madu lu na matu, lama ma hpe sak jaw ra ai (sh) shakut shaja ra ai hpe tsun mayu ai re. Teng man lam hpe gara hku mari la mai na hpe chye na na matu, gat hta langu si ni hpe manu jahpu n jaw ra ai sha jaw nga ai ngu shingran yu u. Anhte a saboi ntsa de langu si ni shi hkrai shi du wa na kun? N du wa ai. Gat de sa nna, sa la ra na re. Langu si a matu gumhpraw n jaw ra tim, lu la na matu gaw n-gun shadat ra ai. Dai hte maren, teng man lam hpe sharin la na matu gumhpraw n jaw ra tim, shakut shaja ra nna sak jaw ra na re.
6 Esaia 55:1-3 hpe hti u. “Teng man ai hpe mari la u” ngu ai lachyum hpe chye na hkra, Yehowa tsun ai ga gaw karum ya ai. Dai Chyum daw ni hta, teng man ai lam hpe, ntsin, nga chyu, tsabyi jahku ni hte Yehowa shingdaw da ai. Ntsin gaw, hpang gara nga ai ni hpe shalan ya lu ai zawn, teng man ai lam mung anhte hpe shalan ya ai. Nga chyu gaw, ma langai hpe galu kaba wa shangun ai zawn, Chyum Laika teng man lam mung, Yehowa hte anhte a hku hkau lam hpe ngang kang wa shangun ai. Shi a mungga hpe tsabyi jahku hte mung, Yehowa shingdaw da ai. Hpa majaw kun? Tsabyi jahku gaw, masha a myit hpe shapyaw ya ai ngu nna Chyum Laika hta tsun da ai. (Shakawn 104:15) Dai majaw, ‘tsabyi jahku hpe mari la mu’ ngu Yehowa tsun ai gaw, shi a lam matsun ni hpe anhte hkan sa na nga yang, ngwi pyaw na hpe chye na shangun mayu ai majaw re. (Shakawn 19:8) Teng man lam hpe hkaja nna hkan sa na nga yang, anhte akyu lu la na hpe chye na hkra, dai ga shadawn hte Yehowa tsun dan ai re. “Teng man lam hpe mari la” na matu, sak jaw ra ai lam manga hpe hkaja mat wa ga.
Teng Man Lam Hpe Mari La Na Matu Sak Jaw Ra Na Lam Ni
7, 8. (a) Teng man lam hpe sharin la na matu hpa majaw ahkying aten jaw ra ai kun? (b) Jawngma langai gaw, gara hku sak jaw wa ai kun? Hpa akyu lu wa ai kun?
7 Ahkying aten. Mungdan shiga hpe madat na matu, Chyum Laika hti na matu, Chyum Laika hte seng ai laili laika ni hpe hti na matu, Yehowa Sakse ni hte Chyum Laika hkaja na matu, zuphpawng lung na matu hte hkyen lajang na matu ahkying aten jaw ra na re. Dai lam ni hpe galaw lu hkra, nau n ahkyak ai lam ni a matu aten jaw ai hpe shayawm kau ra na re. (Ehpesu 5:15, 16 hpe hti u.) Chyum Laika madung sharin ya ai lam ni hpe chye na matu aten kade daram jaw ra ai kun? Marai langai hte langai gaw bung na n re. Yehowa a nyan hpaji hte shi a amu bungli ni hpe galoi mung hkaja n ma ai. (Roma 11:33) Shawng nnan lang shapraw ai Sin Langchyi hta teng man lam hpe “nampan langai” hte shingdaw da ai. Dai hta ndai hku tsun da ai: “Teng man ai nampan langai hte sha, myit hkum dik nga u. Nampan langai hte sha myit dik sai nga yang, kaga nampan pu ni tam sana n re. Dai majaw, matut nna tam u. Law law tam u.” Tinang hkum tinang ndai hku san mai ai. ‘Yehowa a lam ngai kade daram hkaja da sai kun?’ Htani htana asak hkrung tim pyi, Yehowa a lam hpe hkaja n ma ai. Dai ni aten hta mung, anhte a aten hpe akyu jashawn nna, dang lu ai daram hkaja na matu grai ahkyak ai. Dai lam hpe galaw wa ai marai langai a lam hpe yu yu ga.
Yehowa a lam hpe dang lu ai daram sharin la lu hkra aten jaw na matu ahkyak
8 Mariko * ngu ai numsha gaw, Japan mungdan kaw nna Amerikan mungdan, New York de jawng lung na matu sa ai. Lani mi hta, ningshawng nauna langai gaw, shi hpe kabu gara shiga sa tsun dan ai. Mariko gaw nawku htung langai a hpung masha rai ngut chyalu raitim, nauna hte arau Chyum Laika hkaja hpang ai. Shi chye wa ai lam ni hpe grai ra sharawng mat ai majaw, bat mi hta lahkawng ya hkaja na matu hpyi shawn ai. Mariko gaw jawng lung nna, aten kadun bungli mung galaw nga ai majaw grai amu law taw tim, nawku zuphpawng ni hpe lung hpang wa ai. Ban sa ai lam ni a matu aten nau n jaw sai majaw, teng man lam hkaja na matu grau nna aten lu wa ai. Dai zawn sak jaw wa ai majaw, Mariko gaw Yehowa hte grau hku hkau wa nna, laning mi pyi garai n hpring shi yang hkalup hkam la ai. Shata kru na ai hpang, 2006 hta, ningshawng galaw hpang nna, ya du hkra ningshawng galaw nga ai.
9, 10. (a) Teng man lam hpe sharin la ai gaw, arung arai ni hte seng ai ningmu hpe gara hku galai shai ya ai kun? (b) Numsha langai hpa hpe asum hkam kau ai kun? Shi gara hku hkamsha ai kun?
9 Arung arai ni. Teng man lam hpe hkaja lu na matu, ndai mungkan hta awng dang Mahte 4:18-20) Nang mung teng man lam hpe chye wa ai majaw, na a bungli ni hpe tawn kau da ra na ngu tsun mayu ai gaw n re. Masha langai gaw, bungli galaw nna shi a dinghku hpe yu lanu lahku ra ai. (1 Timohti 5:8) Teng man lam hpe nang sharin la ai shaloi, arung arai ni hte seng nna, na a mu mada lam gaw galai shai mat na re. Anhte a prat hta gara lam gaw ahkyak htum re ai hpe chye wa na re. Yesu ndai hku tsun ai: “Dinghta ga a ntsa e, nanhte a sut gan hpe hkum mahkawng da mu.” De a malai ndai hku tsun ai: “Sumsing lamu hta e, nanhte a matu sut gan hpe mahkawng da mu.” (Mahte 6:19, 20) Dai lam hpe numsha Maria galaw wa ai.
nga ai bungli ni (sh) gumhpraw law law lu ai bungli ni hpe tawn kau da ra na re. Ga shadawn, Petru yan Andre gaw nga hkwi ai ni re. Raitim, Yesu gaw shi hpang hkan nna sape galaw na matu saw shaga ai shaloi, shan a bungli hpe tawn kau da ma ai. (10 Maria gaw, ma aten kaw nna gawp (golf) ginsup ai hpe grai sharawng ai. Lahta tsang jawng lung ai shaloi, ginsup lam hta grau grau nna ningtawn wa ai. Shi grai ningtawn ai majaw, dakkasu hpaji sharin jarik hpe lu wa ai. Maria a bandung gaw, ningtawn ai gawp ginsup ninghkrin langai byin wa nna, gumhpraw law law lu na matu re. Dai aten hta Chyum Laika hpe shi hkaja hpang ai. Shi chye wa ai lam ni hpe grai ra sharawng nna tatut hkan sa ai. Shi ndai hku tsun ai: “Nye a myit jasat hte prat masa ni hpe Chyum Laika a lam matsun hte maren htep lahti hkan sa lu hkra shakut ai majaw, ngai ngwi pyaw wa ai.” Yehowa hte shi a hku hkau lam, kanbau bungli re ai ginsup lam, lahkawng yan hpe myit maju jung na matu yak wa ai hpe shi sadi hkrup mat ai. (Mahte 6:24) Dai majaw, shi a bandung hpe kau da nna, grau kaja ai lam hpe hkan na matu dawdan wa ai. Ya, Maria gaw ningshawng galaw nga sai. Shi ndai hku mung tsun ai: “Ngai grai ngwi pyaw nna, prat hta mung lachyum nga taw sai.”
Teng man lam a matu kade daram asum hkam ra tim, grau nna lu la na ngu Yesu ga sadi jaw da
11. Teng man lam hpe anhte hkaja ai shaloi, kaga ni hte anhte a hku hkau lam gara hku byin wa chye ai kun?
11 Kaga ni hte hku hkau lam. Chyum Laika kaw nna sharin la ai lam ni hpe, anhte hkan sa wa ai shaloi, nta masha ni, manang ni hte kanawn mazum ai lam hta galai shai wa na re. Dai hpe sape ni a matu Yesu a akyu hpyi ga kaw nna chye lu ai. Shi ndai hku akyu hpyi ai: “Na a teng man ai lam hta, shanhte hpe shachyoi shapra ya mu; na a mung ga gaw, teng man ai lam rai nga lit dai.” (Yawhan 17:17) “Shachyoi shapra” ngu ai gaw, “san san nga ai” hpe mung tsun mayu ai re. Teng man lam ni hpe anhte hkan sa ai shaloi, mungkan hte san san nga ra mat na re. Hpa majaw nga yang, Chyum Laika tsang madang ni hpe anhte hkan sa ai majaw re. Jinghku jingyu ni, manang ni hte hku hkau lam kaja hkra anhte shakut tim, nkau gaw anhte hpe moi na daram n kam hkau mat sai. Anhte a makam masham nnan a majaw, ninghkap ai ni pyi nga wa chye ai. Dai lam ni a majaw anhte n mau ga ai. Yesu ndai hku tsun ai: “Tinang hpe n dawng n yawt na ni gaw, tinang a nta na ni tai wa na ma ra ai.” (Mahte 10:36) Kade daram anhte sak jaw kau ra tim, jaw kau ai hta grau nna lu la na re ngu nna mung, Yesu ga sadi jaw da ai.—Marku 10:28-30 hpe hti u.
12. Teng man lam a matu Ju masha langai hpa hpe asum hkam wa ai kun?
12 Karai Kasang a amying hpe nsen pru nna shaga ai gaw, shut ai ngu nna Ju masha langai re ai Erun hkam la wa ai. Raitim, Karai Kasang hte seng nna teng man lam hpe shi teng sha chye mayu ai. Sakse Hkam langai gaw, Hebre ga si mali hta, nsen rawng ai ga si ni bang dat na nga yang, “Yehowa” ngu nsen pru lu ai hpe shi hpe madun ai. Erun gaw dai hpe chye mat ai shaloi grai myit kahpra let, Ju nawku jawng kaw nna sara ni hpe sa tsun dan ai. Karai Kasang a amying hpe shanhte sharin la lu yang, grai kabu na re ngu shi sawn la da ai. Raitim, dai hku n re ai sha, shi hpe mayen mahtaw nna gawt shapraw kau ai. Erun a nta masha ni mung shi hpe ninghkap ma ai. Raitim, shi gaw n htingnut mat ai sha, Yehowa a lam matut nna hkaja ai. Erun gaw Yehowa Sakse langai byin wa nna, si ai du hkra Yehowa hpe sadi dung let nawku wa ai. Anhte mung teng man lam hpe sharin la ai shaloi, kaga ni hte anhte a hku hkau lam galai shai wa na hpe myit mada da ra ai.
13, 14. Teng man lam hpe sharin la ai shaloi, anhte a myit mang ai lam hte galaw ai lam hta hpa ni galai shai ra ai kun? Ga shadawn langai tsun dan u.
13 N san seng ai myit mang lam ni hte galaw ai lam ni. Teng man lam hpe sharin la nna Chyum Laika tsang madang ni hte maren hkan sa na nga yang, anhte a myit mang ai lam ni hte galaw ai lam ni hpe, sharawng awng let galai shai ra na re. Kasa Pawlu ndai hku tsun ai: “Madat mara ai ma zawn rai nga let, nanhte garai n chye ai aten na shawng na myit marin kau ai hte hpe ya n hkan dagraw ai sha; . . . arawn alai shagu hta chyoi pra nga mu.” (1 Petru 1:14, 15) Korinhtu mare masha law malawng gaw, akyang lailen hten za ai ni re. Yehowa a man hta san seng ai ni byin wa na matu, manu mana galai shai wa ra na re. (1 Korinhtu 6:9-11) Dai ni aten hta mung, masha law law gaw, teng man lam hpe sharin la nna dai zawn galai shai ai lam ni hpe galaw wa ai. Petru a laika hta ndai hku tsun ai: “Tara maigan ni a bawng hkut ai lam hpe shadik lawm nna, myit mak ai, ngang kayut ai, tsabyi lu lai ai, tangpyaw shalai ai, lusha marin ai hte arawng n nga ai sumla naw ku na lam hta hkawm sa ai gaw, ya lai wa ai aprat hte ram la sai.”—1 Petru 4:3.
14 Dibi yan Jatsamin gaw, shaning law law tsa lu lai wa ai. Dibi gaw grai ram ai jahpan jum raitim, lu lai ai majaw bungli n lu mat ai. Jatsamin hpe gaw, masin pawt ja nna grai mazut ai wa re ngu chye ma ai. Lani mi hta, Jatsamin tsa nang nna lam hkawm nga ai shaloi, Sakse Hkam sasana lahkawng hte hkrum ai. Sasana yan gaw, Chyum Laika hkaja na matu shi hpe saw shaga ai. Hpang na bat hta, sasana yan la sa chyai ai shaloi, Dibi yan Jatsamin gaw tsa nang nga ai. Shan yan a nta de sasana ni sa chyai na ngu n shadu da ai. Hpang kalang sasana ni bai sa kawan ai shaloi, masa lam ni galai shai mat sai. Dibi yan Jatsamin gaw, Chyum Laika kaw nna teng man ai lam ni hpe sharin hpang na matu grai myit rawt nga ai. Sharin la wa ai lam ni hpe mung, tatut hkan sa ma ai. Shata masum garai n du shi yang, tsa n lu mat sai. Tara shang hkungran la ai. Shan yan galai shai mat ai hpe mare masha law malawng sadi hkrup ma ai. Dai majaw, shanhte mung Chyum Laika hkaja wa ma ai.
15. Teng man lam a matu galai shai ra na yak dik htum lam langai gaw hpa rai na kun? Hpa majaw kun?
15 Karai Kasang n ra sharawng ai htung lailen ni hte poi ni. Galai shai na matu yak dik htum lam langai gaw, Yehowa n ra sharawng ai htung lailen ni hte poi ni hta shang lawm ai lam re. Dai lam ni hte seng nna Yehowa gara hku mu mada ai hpe sharin la ngut ai hpang pyi, nkau mi a matu gaw grai yak nga ai. Nta masha ni, bungli manang ni (sh) kanawn Tara Jahprang 14:1) Rai yang, Karai Kasang n ra sharawng ai htung lailen ni hpe koi lu hkra, anhte hpe hpa gaw karum ya lu na kun? Ehpesu Hkristan ni hte hpawn, teng man lam hpe chye nna galai shai wa ai moi prat na masha ni a kasi ningli hpe sharin la mai ai.
manang ni gara hku bai htang na hte seng nna tsang ma ai. Si mat sai jinghku ni hpe shagrau ai zawn re ai htung lailen nkau hte seng nna, masha ni gaw ladu lai hkamsha chye ai. (16. Ehpesu mare masha nkau gaw gara sak jaw ai lam hpe galaw wa ai kun?
16 Ehpesu mare hta, nat hpaji hpe grai hkan sa ma ai. Nat hpaji hpe hkan sa ai ni gaw, Hkristan byin wa ai shaloi hpa galaw ma ai kun? Chyum Laika hta ndai hku sang lang da ai: “Lakle mandan bau sha ga ai ni law law mung, shanhte a laika ni la sa nna, masha yawng a man e nat kau mu ai: dai ni a manu sawn yu yang, gumhpraw lap mun manga ging ma lu ai. Shing rai, dai Madu a mungga gaw n-gun atsam hta galu kaba maden jat wa nga ai.” (Kasa 19:19, 20) Dai sadi dung ai Hkristan ni gaw grai manu hpu ai laika buk ni hpe sharawng awng let asum hkam kau ma ai. Dai majaw, Yehowa mung shanhte hpe shaman chyeju jaw wa ai.
Teng man lam hpe sharin la na matu nang hpa hpe sak jaw wa sai kun?
17. (a) Teng man lam a matu anhte asum hkam kau ra ai lam nkau gaw hpa ni rai kun? (b) Hpang na sumhpa hta gara ga san ni a mahtai hpe hkaja lu na kun?
17 Teng man lam a matu hpa hpe nang sak jaw wa sai kun? Anhte yawng gaw aten hpe jaw wa ra na re. Kaga ni hte hku hkau lam galai shai wa ai mung rai na re. Nkau nga yang, grai sut su lu na ahkaw ahkang hpe asum hkam kau ai. Law malawng gaw, tinang a myit mang ai lam hte galaw ai lam hpe galai shai wa na re. Yehowa n ra sharawng ai htung lailen ni hte poi lamang ni hta n shang lawm sai. Anhte asum hkam kau ai yawng hta na, Chyum Laika teng man lam gaw, grau manu dan ai ngu anhte kam ga ai. Chyum Laika teng man lam gaw, anhte hpe Yehowa hte hku hkau wa shangun ai. Dai gaw anhte a aprat hta manu dan dik htum re. Teng man lam a majaw lu la ai shaman chyeju ni hpe anhte myit ai shaloi, nkau gaw teng man lam hpe hpa majaw bai “dut kau” ai hpe anhte chye na na matu yak na re. Hpa majaw dai hku byin ai kun? Dai zawn shut ai lam hpe galoi mung n galaw hkrup hkra, hpa galaw mai na kun? Dai ga san ni a mahtai hpe hpang na sumhpa hta hkaja lu na re.
^ စာပိုဒ်၊ 8 Ndai sumhpa hta amying nkau hpe galai shai da ai.