2023, January 24 hta, hpungtang hpaji du ni gaw, Mungkan Hten Na Aten Hpe Madun Ai Nayi a hta, mungkan hten na aten hpe malai tsun mayu ai yuptung makau de sit kau ai.

•    “Yukaring majan, nyukaliya manghkang hte duhkra ladaw manghkang ni a majaw, Mungkan Hten Na Aten Hpe Madun Ai Nayi shingna hpe yuptung aten hte ni dik htum shara de, Bat Lahkawng Ya shani hta sit kau ma ai. Moi gaw dai daram n ni ga ai.”—AFP International Text Wire.

•    “Mungkan Hten Na Aten Hpe Madun Ai Nayi shingna hpe yuptung du na matu setkan 90 du hkra sit kau ai lam, hpungtang hpaji du ni Bat Lahkawng Ya shani kaw tsun shana wa ai. Hara magedon du hkyen sai.”—ABC Shiga.

•    “Mungdan ga daga hpungtang hpaji hpung mi gaw, shinggyim masha amyu mat mat na zawn re ai grai shoihpa nga ai masa ni matut byin nga ai ngu sadi jaw wa ai.”—Gadiyan Shi Laika.

 Shinggyim masha ni hte mungkan ga a jahtum ni sai kun? Htawm hpang hta hpa byin wa na hte seng nna hkrit tsang ra ai kun? Chyum Laika hta hpa tsun da ai kun?

 Chyum Laika hta, “ginding aga chyawm gaw, dinggrin a nga nga” nna, masha ni gaw “dai hta e nan nawng e nga nga lu na” ngu tsun da ai. (Hpaji 1:4; Shakawn 37:29) Dai majaw, shinggyim masha ni gaw, mungkan ga hte hkrung mahkrung ni hpe tsep kawp jahten kau lu na n re.

 Raitim, hten za mat na lam ni hte seng nna Chyum Laika hta tsun da ai. Ga shadawn, ‘dinghta ga . . . gaw, lai mat nga ai.’—1 Yawhan 2:17.

•    Mungkan a jahtum aten hte seng nna Chyum Laika tsun da ai hpe chye mayu yang, “Ndai Mungkan Htum Mat Sana Kun? Mungkan Hten Ai (Apocalypse) Ngu Ai Gaw Hpa Lachyum Kun?” (Myen) sumhpa hpe yu u.

•    Kade n na yang byin wa na mungkan a mabyin ni hte seng nna, Chyum Laika tsun dan ai hpe chye mayu yang, “Mungkan Galoi Htum Na Kun?” ngu ai sumhpa hpe hti u.

 Mungkan manghkang ni a lapran kaja ai ningmu matut nga hkra Chyum Laika gaw karum ya lu ai. Gara hku nna kun?

•    Chyum Laika hta tatut re ai hpaji jaw ga ni lawm ai. (2 Timohti 3:16, 17) Ga shadawn, prat hta mayak mahkak ni nga tim, kaja ai ningmu matut nga hkra Chyum Laika gaw gara hku karum ya lu ai lam chye na matu “Myit Tsang Lam Yawm Shangun Ai Lam” (Myen) ngu ai sumhpa hpe hti u.

•    Chyum Laika hta kam mai ai htawm hpang myit mada lam hpe tsun da ai. (Roma 15:4) Ya aten hte htawm hpang hta byin wa na lam ni hpe Chyum Laika hta tup hkrak tsun dan da ai. Dai majaw, mungkan a masa gara hku mi rai wa tim, kam ai myit hpring tup hte nga lu ai.

 Chyum Laika hta tsun da ai lam hpe grau chye mayu yang, manu jahpu n jaw ra ai sha marai langai ngai hte Chyum Laika rau hkaja lamang hpe chyam yu na matu nang hpe saw shaga ga ai.