Behtela De Hkawm Chyai Ai Lam
Behtela ngu shaga ai anhte a ginjaw garan rung de sa chyai na matu nang hpe kabu gara hte saw shaga dat ga ai. Anhte a rung nkau hta tinang hkrai kawan mai na matu lajang da ya ai.
Hkawm Chyai Lamang Bai Hpang: Mungdan law law hta, 2023, June 1 kaw nna anhte a ginjaw garan rung ni de bai sa chyai mai sai. Ahkri ahkrai chye na matu, nang sa chyai mayu ai ginjaw garan rung hte matut mahkai u. Kobit-19 byin taw yang, waw waw ai, jahkru ai rai yang (sh) Kobit-19 byin nga ai wa hte ndai laman hkrum da yang, chyeju hte hkum sa chyai.
United States of America
Hkawm Chyai Ai Lamang Hte Seng Ai Shiga
Madun Gawk Ni
Tinang Hkrai Kawan Yu Mai Ai Warwick Madun Gawk Ni
Chyum Laika hte Karai Kasang A Amying. Ndai madun gawk hta kaga shara hta, n mu lu ai grai taw ai Chyum Laika buk ni hpe madun tawn da ai. Karai Kasang a amying hpe n lawm hkra shakut nga ai lapran kaw nna Chyum Laika hta Karai Kasang a amying lawm wa hkra shakut wa ai lam ni hpe madun da ai. Dai madun gawk hta kaga taw ai Chyum Laika ni hte, Chyum Laika hte seng ai moi na arai ni hpe mung madun tawn da ai.
Yehowa A Amying Ningsang A Matu Masha Amyu Langai. Ndai madun gawk hta, Yehowa Sakse ni a labau hpe madun da ai. Moi na arai ni, sumla ni, mahkrum madup hpe tsun da ai lam ni nga ai. Yehowa gaw, shi a amyu masha ni shi myit ra ai hku galaw lu hkra, gara hku lam matsun jaw ai, sharin achyin ya ai hte hpawng de wa ai lam ni hpe dai kaw mu lu ai.
Ginjaw Rung—Makam Masham Hte Galaw Nga. Tinang mung shang lawm mai ai ndai madun gawk hta, Uphkang Hpung komiti ni a bungli hpe sanglang ya ai. Chyum Laika lam matsun ni re ai arau zup hpawng u, sape shatai u, tinang hkrai hkaja ai lamang galaw u, shada da tsawra u ngu ai matsun ga ni hpe hkan sa na matu Uphkang Hpung gaw karum ya ai lam hpe sanglang ya ai.
Hkring Dat Hte Phone Nambat