Nawku htung nga chyalu masha law law gaw, Chyum Laika lam tsun jahta ai hpe grai ra sharawng ma ai. Anhte ni gaw shanhte a wanglu wanglang nawku na ahkaw ahkang hpe hkungga ai. Anhte tsun ai hpe hkap la na matu atik anang n galaw ai.

 Nawku htung hte seng nna bawngban ai shaloi, anhte ni gaw, “sumnung ai” hte hkungga ai hku nna tsun u ngu ai Chyum Laika matsun ga hpe hkan sa na matu shakut ga ai. (1 Petru 3:15) Anhte hkaw tsun ai shiga hpe n ra ai masha nkau mi nga na hpe mung myit mada da ai. (Mahte 10:14) Raitim, masha ni hte n shaga yu shi yang, shanhte hkap la na, n hkap la na hpe anhte n chye lu ai. Masha a masa gaw galai shai nga ai hpe mung anhte sadi hkrup ai.

 Ga shadawn, masha langai gaw kalang lang grai kyin ai majaw ga n lu shaga tim, hpang kalang hta gaw shi alum ala hte ga shaga mayu na re. Shanhte hkrum nga ai mabyin masa nnan ni, manghkang nnan ni a majaw Chyum Laika kabu gara shiga hpe myit lawm wa ai baw mung byin chye ai. Dai majaw, anhte ni gaw masha ni hpang de kalang sha n-ga, sa nna ga shaga na matu shakut ai re.