Nga ai. Yehowa Sakse ni yawng gaw tara hkaw ai masha ni hkrai rai ga ai. Dai hta wan hku law ai num ni mung lawm ai. Chyum Laika hta myihtoi da ai hte maren, “shiga htawn tsun ai num ni, hpung kaba rai nga ma ai.”​—Shakawn 68:11.

 Yehowa Sakse hkam num ni gaw Chyum Laika hta lawm ai anum ni a kasi ningli hpe kasi la ma ai. (Ga Shagawp 31:10-​31) Num ni gaw nawku hpung shinggan kaw galaw ai hkaw tsun magam hta hpring tup shang lawm mai ai. Raitim, nawku hpung hta gaw woi awn na ahkang n nga ai. Shanhte a kasha ni hpe mung Chyum Laika tara ni sharin ya ai. (Ga Shagawp 1:8) Sakse hkam num ni gaw, tsun shaga ai, galaw hkawm sa ai lam hte amu bungli galaw ai lam ni hta kasi kaja madun na matu shakut ai.​—Titu 2:​3-5.